꣑꣑) ꢣꢸꢒ꣄ꢓꢸ ꢦꣁꢥ꣄ꢣꢸꢥꣁꢒꣂ ꢪꢵꢫꢷ ꢬꢵꢪꢸ ꢬꢵꢮꢠꢸꢒꢹ ꢪꢬꢷ
ꢨꣁꢭ꣄ꢭꢶ ꢙꢵꢥ꣄ ꢡꣁꢒꣁ ꢪꢾꢥ꣄ ꢱꢖ꣄ꢔꢶ ꢥꢶꢒꢶꢳꢿꢱ꣄ ꢱꢪꢵꢤꢵꢥ꣄ ꢒꢬꢷ ꣎
꣑꣒) ꢫꣂꢗꢥꣂ ꢒꢬ꣄ꢭꢶ ꢲꢥ꣄ꢪꢥ꣄ꢡꢹ ꢂꢯꣂꢒ ꢮꢥꢪ꣄ ꢥꢵꢱ꣄ꢒꢬꢿꢱ꣄
ꢂꢒ꣄ꢰꢸꢒ꣄ ꢬꢵꢒ꣄ꢰꢱꢸꢥꢸꢒ꣄ ꢂꢱ꣄ꢒꢶ ꢪꢬꢿꢱ꣄ ꢡꢿ ꢮꢿꢳꢸꢪꢹ ꢬꢵꢠꢸꢪ꣄ ꣎
꣑꣓) ꢫꢸꢣ꣄ꢤꢪ꣄ꢪꢸ ꢄꢥ꣄ꢣ꣄ꢬꢙꢶꢡ꣄ ꢲꢵꢭꢸ ꢩꢥ꣄ꢣꢶꢥꢶ ꢦꣁꢞꢶ ꢪꢵꢬꢸꢡꢷ
ꢬꢵꢪ ꢦ꣄ꢬꢩꢵꢮꢸꢥ꣄ ꢂꢱ꣄ꢒꢶ ꢒꢳꢞꢿꢱ꣄ ꢬꢵꢮꢠꢹ ꢙꣁꢮꢳ꣄ ꣎
꣑꣔) ꢒꣃꢬꢶꢥ꣄ ꢙꢳꢶ ꢱꣁꢞꢿ ꢦꢹꢱ꣄ꢲꢵꢭ꣄ ꢭꢖ꣄ꢒꢵ ꢔꢵꢪ꣄ ꢂꢱ꣄ꢒꣁ ꢙꢳ꣄ꢡꢶꢒꢶꢥ꣄
ꢱꢸꢥ꣄ꢣꢸꢬꢸ ꢣꢞꢶꢒꢶꢥ꣄ ꢡꢿꢜꢸꢪ꣄ ꢮꢵꢥꢬꢵꢣꢶꢥ꣄ ꢙꣁꢮꢳ꣄ ꢂꢮꢿꢱ꣄ ꣎
꣑꣕) ꢮꢵꢜꢸꢪ꣄ ꢪꢤꢸ ꢮꢥꢪ꣄ ꢣꢾꢒ꣄ꢒꢶ ꢮꢵꢥꢬꢸꢥ꣄ ꢂꢱ꣄ꢒꢶ ꢙꢾꢫ꣄ ꢗꢾꢬꢶ
ꢦꣁꢳ꣄ꢳꢵꢥ꣄ ꢓꢫ꣄ꢭꢶ ꢪꢤꢸꢥ꣄ ꢦꢷꢭꢶ ꢂꢱ꣄ꢒꢶꢡꢾꢥ꣄ ꢡꢺꢦ꣄ꢡꢶ ꢲꣁꢫ꣄ꢭꢶꢫꢵꢱ꣄ ꣎
꣑꣖) ꢮꢵꢥꢬꢸꢥ꣄ ꢱꢬ ꢲꢥ꣄ꢪꢥ꣄ꢡꢸ ꢙꢾꢫ꣄ꢒꢶꢥ꣄ ꢬꢵꢪꢸꢒꢸ ꢣꢾꢒ꣄ꢒꢶꢒꢸꢥ꣄
ꢡꢾꢒꣁꢲꢵꢭ꣄ ꢒꢬꢾ ꢒꢵꢪ꣄ ꢂꢱ꣄ꢒꢶ ꢱꢖ꣄ꢔꢶ ꢗꢹꢞꢵꢪꢠꢶ ꢣꢶꢫꢿꢱ꣄ ꣎
꣑꣗) ꢲꢵꢡꢸꢪ꣄ ꢗꢹꢞꢵꢪꢠꢶ ꢓꢳ꣄ꢳꢶ ꢱꢾꢫ꣄ꢭꢶ ꢱꣁꢥ꣄ꢡꣂꢰꢸ ꢦꣁꢥ꣄ꢣꢶꢭꢷ
ꢱꢷꢡꢵꢒ꣄ ꢪꢷ ꢓꣁꢨ꣄ꢨꣁ ꢣꢾꢒ꣄ꢒꢱ꣄ꢡꢿ ꢪꢾꢥꢶ ꢪꣁꢥ꣄ꢥꢸꢪ꣄ ꢲꢮ꣄ꢜꢶꢭꢶꢫꢿꢱ꣄ ꣎
꣏ ꢯ꣄ꢬꢷ ꢱꣃꢬꢵꢰ꣄ꢜ꣄ꢬ ꢱꢖ꣄ꢔ꣄ꢬꢲ ꢬꢵꢪꢵꢫꢠꢸ ꢱꢸꢥ꣄ꢣꢬ ꢒꢵꢠ꣄ꢞꣁ ꢱꢪ꣄ꢦꢹꢬ꣄ꢠꢸ ꣎꣎
ꢱꢸꢥ꣄ꢣꢬꢒꢵꢠ꣄ꢞꢪ꣄ ꢦꢵꢬꢵꢫꢠꣁ ꢒꢾꢬꢶꢒꢶꢥ꣄ ꢲꢜ꣄ꢮꢾ ꢗꣁꢒ꣄ꢒꢜ꣄ ꢧꣂꢳ꣄ ꢂꢱ꣄ꢒꢶ ꢗꢭ꣄ꢡꣁ ꢒꢾꢬ꣄ꢭꢶꢫꢾꢥ꣄
Leave a Reply
You must be logged in to post a comment.