ꢂꢪ꣄ꢒꣁ ꢒꣀꢡꢷ ꢏꢠ꣄ꢜꢾ ꢒꢾꢰ꣄ꢜꢪ꣄ ꢥꢴꢷ ꢒꣀꢡꢶ ꢏꢠ꣄ꢜꢾ ꢗꣁꢒ꣄ꢒꢜ꣄ ꢮꢶꢰꢫꢪ꣄ ꢲꣁꢬꢵꢜꢸ ꢥꢴꢸꢬꢸ ꢧꣂꢳꢸ ꢗꣁꢒ꣄ꢒꢜ꣄ ꢒꢵꢪꢸ ꢂꢖ꣄ꢔꢸꢥ꣄ ꢧꣀꢭꢵꢣꢶ ꢮꢶꢰꢫꢪꢸꢥ꣄ ꢣꢿꢮꢸ ꢂꢥꢸꢒꢹꢭ꣄ ꢱꢾꢥ꣄ꢡꣁ ꢗꢭ꣄ꢥꣁ ꢪꢾꢥꢾꢡ꣄ ꢬꢵꢪꢵꢫꢠꢪ꣄ ꢡꣁꢒꢥ꣄ ꢱꢸꢥ꣄ꢣꢬ ꢒꢵꢠ꣄ꢞꢪ꣄ ꢦꢵꢬꢵꢫꢠꣁ ꢒꢿꢬ꣄ ꢪꢾꢥꢶ ꢪꢴꣁꢜ꣄ꢜꢵꢥ꣄ ꢱꢖ꣄ꢔꢶꢬꢶꢫꣁ ꢎꢒꢶꢬꢵꢥ꣄ ꣎ ꢂꢡ꣄ꢡꣁ ꢂꢪꢶ ꢂꢮ꣄ꢬꢾ ꢱꣃꢬꢵꢰ꣄ꢜ꣄ꢬ ꢩꢵꢰꢵꢪ꣄ ꢱ꣄ꢭꣂꢒ꣄ ꢬꢹꢦꢸꢪ꣄ ꢱꢪ꣄ꢒ꣄ꢰꢿꢦꢸꢒꢥꢶ ꢯꢿꢡ꣄ꢡꢾ ꢱꢸꢥ꣄ꢣꢬ ꢒꢵꢠ꣄ꢞꢪ꣄ ꢗꢾꢮ꣄ꢣꢶꢒꢶꢥ꣄ ꢥꢶꢗ꣄ꢗꢸ ꢦꢵꢬꢵꢫꢠꣁ ꢒꢾꢬꢶꢒꢶꢥ꣄ ꢗꣁꢒ꣄ꢒꢜ꣄ ꢧꣂꢳꢸꢥ꣄ ꢦꣁꢥ꣄ꢣꢾꢥ꣄ ꣏ ꢌꢭ꣄ꢭꢾ ꢱꣃꢬꢵꢰ꣄ꢜ꣄ꢬ ꢱꢖ꣄ꢔ꣄ꢬꢲ ꢬꢵꢪꢵꢫꢠꢸ ꢒꢮꢶꢡꢵ ꢥꢶꢦꢸꢠ ꢨ꣄ꢬꢲ꣄ꢪꢯ꣄ꢬꢷ ꢦꢸꢬꣂꢲꢶꢡꢪ꣄ ꢬꢵꢪ꣎ ꢮꢾꢖ꣄ꢒꢜ꣄ꢬꢵꢪꢫ꣄ꢫꢖ꣄ꢔꢵꢬ꣄ ꢥꢸ ꢭꢶꢒ꣄ꢒꢶꢬꢵꢱꢶ ꣏
꣑) ꢥꢪ꣄ ꢒꢬ꣄ꢭꢷ ꢣꢿꢮꢸꢥꢸꢒ꣄ ꢲꢥ꣄ꢪꢥ꣄ ꢪꣁꢥ꣄ꢥꢸ ꢲꢵꢭꢶ ꢱ꣄ꢡꣂꢡꢺ ꢒꢬ꣄ꢭꢶꢒꢸꢥ꣄
ꢱꢸꢥ꣄ꢣꢸꢬ꣄ ꢣꢞꢶꢥꢹ ꢓꣁꢫ꣄ꢒꢸꢥ꣄ ꢆꢱꢶꢭꢿꢱ꣄ ꢣꣁꢖ꣄ꢔꢬ꣄ ꢲꣂꢬꢸ ꢬꢴꢷ ꣎
꣒) ꢱꣁꢥ꣄ꢡꣂꢰꢸ ꢒꢬ꣄ꢭꢶꢒꢸꢥ꣄ ꢪꣀꢥꢵꢒ꣄ ꢱꢸꢬꢱꢵꢔ꣄ ꢮꢥ꣄ꢣꢶꢭꢷ ꢧꢭ
ꢱꢶꢪ꣄ꢲꢶꢒꢵꢒ꣄ ꢱꢪ꣄ꢲꢬꢷ ꢧꢬꢵꢡꢸꢒ꣄ ꢱꢸꢥ꣄ꢣꢸꢬꢸ ꢡꢷꢬꢸꢒꢹ ꢗꢾꢬꢿꢱ꣄ ꣎
꣓) ꢭꢖ꣄ꢒꢶꢠꢷꢔꢸ ꢙꢾꢔꢶꢛ꣄ꢗꢶꢭ꣄ꢭꢶ ꢮꢵꢡꣂꢙꢷ ꢔꢵꢪ꣄ꢪꢸ ꢙꢷ ꢡꢸꢬꢷ ꢮꢾꢒ꣄ꢒꢶꢭꢿꢡ꣄ ꢬꢴꢡ ꢮꣀꢣꢿꢲꢷꢒ꣄ ꢥꢶꢛ꣄ꢚꣂꢡꢿ ꢬꢵꢮꢠꢸꢒ꣄ ꢱꢶꢫꢿꢱ꣄ ꣎
꣔) ꢡꢿꢜꢸꢪ꣄ ꢪꢠ꣄ꢞꣂꢣꢬꢶꢒ꣄ ꢣꢾꢒ꣄ꢒꢶ ꢱꢷꢡꣂꢱ꣄ꢒꢷ ꢌꢥꣁ ꢪꢾꢭ꣄ꢭꢶ ꢧꢷꢬ꣄
ꢡꢾꢔꣂꢲꢮꢵꢱꢸ ꢱꢾꢫ꣄ ꢙꢭ꣄ꢫꢾꢱ꣄ ꢱꢷꢡꣁ ꢥꢴꢵ ꢬꢵꢒ꣄ꢰꢱꢷ ꢪꢾꢥꢷ ꣎
꣕) ꢡꢿꢜꢸꢪ꣄ ꢥꢴꢷꢱ꣄ꢡꢒꣁ ꢲꢵꢭ꣄ ꢱꢷꢡꣁ ꢮꢵꢜꢸꢪꢹ ꢮꢾꢒ꣄ꢒꢶꢭꢿꢡ꣄ ꢙꢥꢶꢪ꣄
ꢂꢯꣂꢒ ꢮꢥꢪꢹ ꢙꢾꢫ꣄ꢒꢸꢥ꣄ ꢱꢶꢫꢿꢱ꣄ ꢓꢶꢥ꣄ꢲꣁꢫ꣄ ꢬꢴꢶꢫꢾ ꢩꢸꢙꢵꢒ꣄ ꣎
ꢂꢖ꣄ꢔꢸꢥ꣄ ꢂꢮꣀ….
Leave a Reply
You must be logged in to post a comment.