“ꢱ꣄ꢮꢵꢪꢶ , ꢪꣁꢒꣁ ꢒꢨꢞꢸꢮꣁ ꢪꢾꢥꢶ ꢓꢵꢳ꣄ ꢦꣁꢞꢶ ꢤꢸꢳꢾꢱ꣄ “꣎ ꢒꢵꢫ꣄ ꢨꢵ ꢗꢭꢾꢫꣁ ꢪꢾꢥꢶ ꢪꢸꢥꢶꢮꢬ꣄ ꢦꢸꢱ꣄ꢡꣁ ꢗꢭꢾ ꢗꢵꢭꢸꢥꢱ꣄ꢒꢶ ꢣꢸꢬ꣄ꢨꢳ꣄ ꢱꢖ꣄ꢔꢾꢱ꣄ ꣎ ꢮꢾꢫ꣄ ꢨꢵ ꢤꢵꢒ꣄ꢒꢸꢥꢒꣁ ꢡꢹ ꢱꢪ꣄ꢜꢶꢥꢶ ꢦꣁꢞꢾ ꢩꢹꢡ꣄ ꢙꣁꢮꢳ꣄ ꢬꢴꢷ ꢩꢬꢵꢜꢮꢡ꣄ꢡꣁ ꢏꢠ꣄ꢜꢾ ꢆꢦꢵꢫꢪ꣄ ꢱꢖ꣄ꢔꢸꢱ꣄ ꢎꢒꢶꢭꢿ ꣎ ꢦꢹꢱ꣄ ꢔꣁꢳꣁ ꢲꣁꢫꢶ ꢱꢿꢡ꣄ꢡꢾ ꢏꢠ꣄ꢜꢾ ꢱꢸꢥꢵ ꢦꢹꢱ꣄ ꢒꢸꢜ꣄ꢒꣁ ꢒꢾꢬꢶ ꢓꢳ꣄ꢳꢶ ꢡꢾꢭ꣄ꢭꢾ ꢩꢹꢡ꣄ ꢙꣁꢮꢳ꣄ ꢣꢷꢒꢶꢥ꣄ ꢌꢭ꣄ꢭꢾ ꢦꢹꢱ꣄ ꢥꢶꢡ꣄ꢡꣁ ꢒꢾꢬꢡ꣄ꢡꢿꢱ꣄ ꢡꣁꢬꢾ ꢒꢵꢪ꣄ ꢪꢾꢥꢶ ꢱꢖ꣄ꢔꢷ ꢪꢾꢥꢶ ꢱꢖ꣄ꢔꢶ ꢣꢾꢒ꣄ꢒꢞꢶꢫꢵꢱ꣄ ꢪꢸꢥꢶ ꣎
ꢡ꣄ꢫꢿ ꢤꢵꢥꢸ ꢏꢠ꣄ꢜꢾ ꢱꢸꢥꢵ ꢦꢹꢱ꣄ ꢓꢳ꣄ꢳꢶ ꢩꢹꢡ꣄ ꢙꣁꢮꢳ꣄ ꢣꢷꢒꢶꢥ꣄ ꢥꢶꢡ꣄ꢡ ꢒꢿꢬ꣄ ꢪꢾꢥꢾꢱ꣄ ꢣꢸꢬ꣄ꢨꢳ꣄ ꣎ ꢩꢹꢡ꣄ ꢪꢴꢞꢵꢥꢸ ꢒꣁꢣ꣄ꢣꢶ ꢏꢬ꣄ꢱꢸꢥꢸ ꢒꣁꢣ꣄ꢣꢶ ꢫꢡ꣄ꢡꢥ꣄ ꢒꢾꢬꢾꢱ꣄ ꢱꢸꢥꢵ ꢦꢹꢱ꣄ ꢥꢶꢡ꣄ꢡ ꢒꢾꢬꢡ꣄ꢡ ꢪꢸꢱꢾꢥꢶ. ꢧꢭ꣄ꢗꣁ ꢡꢾꢭ꣄ꢭꢾ ꢣꢸꢬ꣄ꢨꢳꢸꢒ꣄ ꢱꢾꢫ꣄ꢥꢸ ” ꢲꣂ.. ꢥꢬꢵ.. ꢪꣁꢬ꣄ ꢙꢶꢡ꣄ꢬꢮꢸꢪ꣄ ꢄꢱꢵꢥ꣄ ꢒꢾꢰ꣄ꢜꢪ꣄ ꢲꣁꢫꢾ ꢒꢵꢪ꣄ ꢒꢾꢬꢶ ꢱꢪ꣄ꢜꢶꢥꢶ ꢦꣁꢞ꣄ꢬꢥꢶ ꣎ ꢂꢡ꣄ꢡꣁ ꢪꢷ ꢡꣁꢬ꣄ ꢙꣁꢮꢳ꣄ ꢱꢪ꣄ꢜꢶꢥꢶ ꢦꣁꢭ꣄ꢞꢶꢫꣁ ꣎ ꢂꢪꢶ ꢣꢷꢡꢾꢥꢸ ꢱꣁꢞꢶꢣꢷꢭꢶ ꢙꢶꢫꢾꢥ꣄ ꣎ ꢪꢷ ꢡꣁꢒꣁ ꢲꢶꢪ꣄ꢱꣁ ꢒꢾꢬ꣄ꢥꢵ ꣎ ꢪꢷ ꢡꣁꢒꣁ ꢣꢶꢫꢾ ꢮꢱ꣄ꢡꢸꢥꢱ꣄ꢒꢶ ꢡꢹꢱ꣄ ꢢꣁꢮ꣄ꢭꢾ” ꢪꢾꢥ꣄ꢡꢶ ꢩꢹꢡ꣄ ꢥꢶꢒꢶꢳꢶ ꢙꢶꢫꢾꢱ꣄ ꣎ ꢡ꣄ꢫꢿ ꢣꢸꢬ꣄ꢨꢳ꣄ ꢪꢾꢳ꣄ꢳꢶ ꢱꣁꢥ꣄ꢡꣂꢰ꣄ ꢦꣁꢜꢾꢱ꣄ ꣎
ꢌꢭ꣄ꢭꢾ ꢭꣂꢒ꣄ ꢪꢾꢳ꣄ꢳꢶ ꢔꣁꢳꣁ ꢲꣁꢫꢶ ꢱꢿꢡ꣄ꢡꢾ ꢱꢸꢥꢵ ꢦꢹꢱ꣄ ꢱꣁꢒꢥꢸꢱ꣄ ꣎ ꢥꢶꢡ꣄ꢡꣁ ꢒꢾꢬ꣄ꢡꢶꢫꢾꢥ꣄ ꢪꢾꢥꢶ ꢚꢸꢔꢸ ꢡꢾꢥꢸ ꢫꢡ꣄ꢡꢥ꣄ ꢒꢾꢬꢬꢵꢱ꣄ ꢒꣁꢖ꣄ꢒꢶ ꢲꢵꢭ꣄ ꢪꢸꢱꢬꢥꢶ ꣎ ꢭꣂꢒ꣄ ꢤꢾꢬꢶ ꢲꢜ꣄ꢮꢶ ꢡꢹ ꢬꢵꢡ꣄ ꢣꢷꢱ꣄ ꢮꢶꢗꢵꢬ꣄ ꢦꣁꢠ꣄ꢠꣁ ꢪꢾꢥꢶ ꢂꢮꢱ꣄ꢫꢪ꣄ ꢥꢴꢷ ꣎ ꢡꢹ ꢥꢴꢷꢡ꣄ꢡꢒꢸꢱ꣄ ꢌꢭ꣄ꢭꢾ ꢭꣂꢒ꣄ ꢡ꣄ꢫꢾ ꢤꢵꢥꢸ ꢗꢭ꣄ꢭꢿꢡꢸꢱ꣄ ꢬꢵꢫ꣄ ꣎ ꢌꢭ꣄ꢭꢾ ꢭꣂꢒ꣄ ꢢꢾꢜ꣄ꢒꢶ ꢦꣁꢞꢶ ꢡꣁꢬ꣄ ꢙꣁꢮꢳ꣄ ꢡꢷ ꢪꣁꢬ꣄ ꢙꣁꢮꢳ꣄ ꢡꢷ ꢱꢲꢵꢮ꣄ ꢪꢔꢶꢭꢶ ꢂꢮꢶ ꢲꢶꢨ꣄ꢨꢶꢬꢶꢫꣁ ꢥꢴꢵ ꣎ ꢌꢭ꣄ꢭꢾ ꢭꣂꢒꢸꢪ꣄ ꢣꢿꢮ꣄ ꢪꢾꢥꢶ ꢏꢠ꣄ꢜꢾꢥꣁ ꢱꢿꢡ꣄ꢡꢾ ꣎ ꢣꢿꢮ꣄ ꢓꣁꢨ꣄ꢨꢶꢪ꣄ ꢱꢿꢡꢿ ꣎ ꢡꢾꢥꣁ ꢪꣁꢬꢠ꣄ ꢥꢴꢷꢡ꣄ꢡꢾꢥꣁ ꣎ ꢱꢡꢵ ꢙꢔꢶꢭꢿꢡꢸꢱ꣄ ꢱꢿꢡꢿ ꣎
( ꢱ꣄ꢮꢵꢪꢶ ꢮꢶꢮꢿꢔꢵꢥꢥ꣄ꢣꢬ꣄ ꢱꢖ꣄ꢔꢾ ꢓꢾꢥꢶ)
ꢡꢶ ꢪꣁꢬ꣄ ꢙꣁꢮꢳ꣄ ꢡꢷ ꢱꢲꢵꢮ꣄ – ꢂꢬ꣄ꢡꢸ ꢒꢵꢫꣂ ?
ꢡꣁꢬ꣄ ꢙꣁꢮꢳ꣄ ꢡꢷ ꢪꣁꢬ꣄ ꢙꣁꢮꢳ꣄ ꢡꢷ ꢱꢲꢵꢮ꣄ ꢪꢔꢶꢭꢶ = ꢆꢥ꣄ꢥꢶꢞꢪꣂ ꢌꢥ꣄ꢥꢶꢞꢪꣂ ꢆꢣꢮꢶ ꢒꢿꢜ꣄ꢜꢸ Ask for help from you or me