ꢱꣃꢬꢵꢰ꣄ꢜ꣄ꢬ ꢣꢿꢯꢸꢪ꣄ ꢂꢒꢵꢭꢸꢪ꣄ ꢱꢸꢜ꣄ꢜꢸꢥꢵꢡ꣄ꢡꣁ ꢮꢷꢱ꣄ ꢣꢶꢥ꣄ꢥꢸ ꢦꣁꢮ꣄ꢱ꣄ ꢦꣁꢳ꣄ꢳꢿꢡ꣄ ꢲꣁꢡꢾꢱ꣄ ꣎ ꢲꢷꢬꢸꢥ꣄ ꢡꢳꢵꢥꢱ꣄ꢒꢶ ꢩꣁꢬꢶ ꢡꢾꢭ꣄ꢒꢫꢾꢱ꣄ ꣎ ꢒꣂꢜ꣄ꢡꢿꢜ꣄ ꢯꢶꢫꢾꢡ꣄ ꢦꢥꢶ ꢬꢵꢠ꣄ꢒꢥ꣄ ꢣꢾꢒ꣄ꢒꢫꢾꢱ꣄ ꣎ ꢪꢴꣁꢜꣁ ꢪꢴꣁꢜꣁ ꢚꢵꢞꢸꢥꢱ꣄ꢒꢶ ꢪꢹꢳ꣄ ꢱꢾꢥ꣄ꢡꣁ ꢒꢜꢫꢶ ꢤꢸꢳꢾꢱ꣄ ꣎ ꢪꢴꣁꢜꣁ ꢪꢴꣁꢜꣁ ꢕꢿꢬ꣄ꢥꢸ ꢬꢮꢸꢳ꣄ꢥꢸ ꢂꢱ꣄ꢒꢶ ꢦꢥꢶꢪ꣄ ꢨꢶꢙ꣄ꢙꢶ ꢩꢷꢡ꣄ ꢨꢶꢱꢡ꣄ꢡꢶꢱꣁ ꢲꣁꢫ꣄ꢫꣁ ꣎ ꢱꢱ꣄ꢫꢵꢥꢱ꣄ꢒꢶ ꢦꢥꢶꢪ꣄ ꢨꢸꢞꢶ ꢥꢯ꣄ꢙꢶꢫꢾꢱ꣄ ꣎ ꢔꢵꢪꢱ꣄ꢒꣁ ꢒꢾꢰ꣄ꢜꢪꢮꢾꢱ꣄ ꣎
ꢏꢠ꣄ꢜꢾ ꢮꢵꢜ꣄ꢒꢥꢶ ꢦꣁꢮ꣄ꢱ꣄ ꢲꢳ꣄ꢳꢸ ꢥꢶꢳ꣄ꢗꢾꢱ꣄ ꣎ ꢂꢒꢵꢱꢸꢪ꣄ ꢡꣁꢒꢥ꣄ ꢱꢸꢬꢶꢡ꣄ ꢲꢱꢶꢭꢿꢡ꣄ꢒꢥ꣄꣄ ꢂꢦꢸꢭ꣄ ꢒꢵꢥ꣄ꢡꢶ ꢣꢶꢭꢿꢡ꣄ ꢩꢬꢵꢜꢮꢾꢱ꣄ ꣎ ꢙꢾꢥꢸꢭ꣄ꢥꢸ ꢥꣁꢮ꣄ꢮ ꢆꢡ꣄ꢱꢵꢲꢪ꣄ ꢱꢾꢥ꣄ꢡ ꢂꢦꢸꢭ꣄ ꢒꢵꢪꢸ ꢲꢬꢸꢪ꣄ꢨꢪ꣄ ꢒꢾꢬ꣄ꢫꢵꢱ꣄ ꣎ ꢦꣁꢮ꣄ꢱꢸ ꢭꢾꢖ꣄ꢔꢵꢭ꣄ ꢮꢷꢡꢱ꣄ꢒꣁ ꢱꢸꢣ꣄ꢤꢶ ꢲꣁꢫꢾꢱ꣄ ꣎ ꢒꢿꢣꢱ꣄ꢒꢶ ꢦꢸꢰ꣄ꢜꢶ ꢲꣁꢫꢶ ꢦꢷꢒ꣄ ꢗꣁꢒ꣄ꢒꢜ꣄ ꢣꢶꢫꢾꢱ꣄ ꢒꢺꢰꢶꢥꢱ꣄ꢒꢶ ꢱꣁꢥ꣄ꢡꣂꢰ꣄ ꢦꣁꢞ꣄ꢫꢵꢱ꣄ ꣎ ꢣꢿꢯꢱ꣄ꢒꣁ ꢦꢥꢶ ꢒꢾꢰ꣄ꢜꢪ꣄ ꢥꢴꢷꢡ꣄ꢡ ꢲꣁꢫꢾꢱ꣄ ꣎ꢦꣁꢮ꣄ꢱ꣄ ꢲꢵꢭ꣄ ꢬꢸꢮ꣄ꢮꣁ ꢨꢵꢣꣁ ꢲꣁꢫꢾꢡ꣄ ꢪꢾꢳ꣄ꢳꢶ ꢧꢭ꣄ꢗꣁ ꢦꢬꢶꢠꢵꢪꢪꢸꢥ꣄ ꢗꣁꢒ꣄ꢒꢜ꣄ ꢲꣁꢡꢾꢱ꣄ ꣏
ꢂꢒꢵꢭꢸꢪ꣄
ꢱꢱ꣄ꢫꢵꢥꢱ꣄ꢒꢶ – Menaeth Kayoo?
ꢂꢒꢵꢭꢸꢪ꣄ = ꢲꣁꢭ꣄ꢭ ꢪꢴꢞꢵꢪ꣄ ꢦꣁꢠ꣄ꢠꣁ ꢲꣂꢬꢶꢫꣁ ꢦꣁꢮ꣄ꢱ꣄ ꢗꢭꢬꢶꢫꣁ ꢌꢭ꣄ꢭꢾ ꢪꢴꢞꢵꢪꢸꢱ꣄ ꢦꣁꢞꢾꢡꢶ ꢂꢒꢵꢭꢸ ꢦꣁꢮ꣄ꢱ꣄ ꢪꢾꢥꢶ ꢂꢬ꣄ꢢꢸ ꣏ Untimely
ꢱꢱ꣄ꢫꣁ + ꢂꢱ꣄ꢒꢶ = ꢱꢱ꣄ꢫꢵꢥꢱ꣄ꢒꢶ = ꢱꢵꢳ꣄, ꢒꢾꢥ꣄ꢥꢸ, ꢕꣂꢪꢡꢥ꣄ꢣꢸ, ꢗꣁꢮ꣄ꢳꣁ, ꢒꢗ꣄ꢗꢾꢥ꣄ꢥꣁ ꢧꣀꢭꢵꢣꢶ ꢤꢵꢥ꣄ꢫꢪꢸꢥ꣄ ꣎ cereals,Grains