ꢮꢷꢣꢸ ꢥꢴꢸꢔꢸꢥꢱ꣄ꢒꢶꢥ꣄ ꢒꣂꢜ꣄ꢤꢪꢱꢸꢥ꣄ ꣎ ꢪꢷꢪꢾꢳ꣄ꢳꢶ ꢯꢾꢥ꣄ꢡꢤꢪ꣄ꢱꢸ ꣎ ꢍ ꢮꢷꢣꢸꢪ꣄ ꢏꢥ꣄ꢜꣁ ꢲꢶꢭ꣄ꢣꢸꢭꢵ ꢔꣁꢬꢸꢙꢾꢡꣁꢫꢮꢶꢥ꣄ꢬꢴꢶꢫꢾꢱꢶ ꣎ ꢂꢱ꣄ꢒꢶꢥꢹꢱꢶ ꢡꢾꢒ꣄ꢒꣃꢡꢸ ꢱꢵꢥ꣄ꢙꢵꢱꢸꢥ꣄ ꣎ ꢡꢿꢭ ꢤꣃꢬꢭꢾꢔꢸꢡ꣄ꢡ ꢲꢶꢭ꣄ꢣꢸꢭꢵ ꢔꣁꢬꢸꢙꢾꢡꣁ ꢲꢶꢨ꣄ꢨꢶꢥ꣄ ꢬꢴꢶꢫꢾꢱꢶ ꢱꢮꣁ ꣎ ꢡꢾꢒꣁ ꢓꢾꢮ꣄ꢞꣁ ꢱꢶꢖ꣄ꢔꢵꢬꢸ ꢱꢶꢖ꣄ꢔꢬꢶꢥ꣄ꢬꢴꢶꢫꢾꢱꢶ ꣎
ꢔꣁꢬꢸꢮꢵꢥꢸ ꢔꣁꢬꢸꢥ꣄ ꢭꢾꢔꢸꢡ꣄ꢡ ꢲꢶꢨ꣄ꢨꢶꢥ꣄ ꢬꢴꢶꢫꢾꢱꢶ ꣎ ꢡꢾꢒ ꢲꢵꢡꢸꢪ꣄ꢱꢿꢡ꣄ꢡꢾ ꢏꢠ꣄ꢜꣁ ꢙꢵꢡꢶ ꢤꣁꢞꣁ ꣎ ꢡꢾꢭ꣄ꢫꣁ ꢤꣁꢠ꣄ꢞꣁ ꢮꢮ꣄ꢙꢶꢥꢸ ꢏꢠ꣄ꢜꣁ ꢙꢵꢡꢶ ꢪꢴꣁꢜꣁ ꢱꢨ꣄ꢣꢸꢒꢾꢬꢫꢶ ꣎ ꢍꢯꢨ꣄ꢣꢸ ꢎꢒꢸꢥꢵꢒ꣄ꢒꢵꢪꢸ ꢥꢴꢵꢥ꣄ꢥ ꢡꢾꢥꢸꢥꢱ꣄ꢒꢶ ꢥꢥ꣄ꢣꢶ ꢔꣁꢬꢸꢥꢮꢱꢶ ꢪꢾꢥꢶ ꢒꢳꣀꢭꢸꢥ꣄ ꣎ ꢡꢾꢥ꣄ꢥꢾꢮꢿꢖ꣄ꢔꢸꢪꢸ ꢱꢵꢥ꣄ ꢔꢸꢖ꣄ꢔꢸ ꢪꢶꢳꢥ꣄ ꣎
ꢲꢶꢭ꣄ꢣꢸꢭꢵ ꢔꣁꢬꢸꢥ꣄ ꢗꣁꢒꢞ꣄ꢣꢸꢪꢶ ꢬꢴꢵꢱꢸ ꣎ ꢌꢭ꣄ꢫꣁ ꢔꣁꢬꢸꢮꢵꢥꢸ ꢱꢖ꣄ꢔꢾ ꢤꢵꢥꢸꢒꢸ ꢒꢾꢬꢫꢶ ꣎ ꢮꢶꢥꣂꢣꢸꢬꢸ ꢗꢭꢶꢙꢵꢱꢸ ꢣꣁꢱ꣄ꢒꣁ ꢲꢭ꣄ꢮꢫꢶ ꣎ ꢔꢸꢞ꣄ꢔꢬꢸ ꢨꢶꢱꢫꢶ ꣎ ꢦꢵꢛꢸꢦꣁꢞꢾꢱꣁꢒꣁꢥ꣄ꢛꢸꢙꢫꢶ ꣎ ꢱꢖ꣄ꢔꢾ ꢮꢡ꣄ꢡꣁ ꢎꢒꢶꢭꢶꢥ꣄ ꢲꢵꢫꢶꢪꢾꢥ꣄ꢡ꣄ꢡꢒꣁ ꢣꣁꢱ꣄ꢒꣁ ꢲꢭ꣄ꢮꢫꢶ ꣎
ꢥꢴꢸꢬꢸꢥꢸꢒꢸ ꢲꢶꢭ꣄ꢣꢸꢭꢵ ꢔꣁꢬꢸꢥꢸꢒꢸ ꢣꢾꢒ꣄ꢒꢡꢶ ꢱꣁꢥ꣄ꢡꣁꢱꢸ ꢭꢔꢫꢶ ꣎ ꢮꢷꢣꢸꢪ꣄ ꢱꢿꢡ꣄ꢡꢾꢥꢸ ꢒꣃꢡꢸꢥ꣄ ꢯꢾꢫꢶꢥꢸ ꢣꢱ꣄ꢡꢸꢬꢶ ꢕꢭꢱꢸꢥ꣄ ꣎ ꢡꢾꢭ꣄ꢫꢸ ꢣꢱ꣄ꢡꢸꢬꢶꢲꢥ꣄ꢥꣃ ꢓꢳ꣄ꢳꢶ ꢙꢶꢡ꣄ꢬꢦꢸ ꢒꢾꢬꢱꢸ ꣎ ꢡꢾꢒꣁ ꢍ ꢔꣁꢬꢸ ꢥꢴꢶꢙꢶꢫꢾꢡꢶ ꢲꢥ꣄ꢥꣃ ꢒꣂꢥ꣄ ꢣꢿꢥꢸ ꣎ ꢂꢦꢹꢭꢿꢱꢶ ꢩꢷꢔꢸ ꢪꢔꢸꢥꣁꢱꢿꢡ꣄ꢡꢒ ꢨꣁꢣꢸꢭ꣄ ꢔꣁꢬꢸ ꢢꣁꢮ꣄ꢭꢶ ꢩꢷꢔ꣄ꢪꢔꢫꢶ ꣎ ꢒꣃꢡꢸ ꢱꢶꢫꢶꢪꢾꢥ꣄ꢒ꣄ꢫꢵꢥꢱ꣄ꢒꢶꢥ꣄ ꢯꢥ꣄ꢡꢸꢰ꣄ꢜꢶ ꢦꣁꢞꢶꢥ꣄ ꢩꣂꢪꢡꢶꢥ꣄ ꢣꢿꢥꢸ ꣎ ꢔꣁꢬꢸ ꢦꢵꢜꢸꢬꢸ ꢱꢿꢡ꣄ꢡꢾ ꢨꣁꢜ꣄ꢜꢵꢥ꣄ꢪꢾꢳꣁ ꢩꣁꢪꢡꢶ ꢲꢵꢭꢨ꣄ꢨꢾꢫꣁꢱꢶ ꣎ ꢔꣁꢬꢸꢮꢵꢥꢸ ꢂꢦꢸꢭ꣄ ꢨꢾꢜꢵꢒꢸꢪꢾꢳꣁ ꢂꢦꢸꢭ꣄ ꢒꢵꢪ꣄ꢪꢸ ꢣꢸꢪ꣄ꢞꢶꢥ꣄ ꢬꢴꢶꢫꢾꢱꢶ ꣎ ꢡꢾꢒꢨꢾꢜꣁ ꢔꣁꢬꢸꢙꣂꢳꢸ ꢲꢶꢨ꣄ꢨꢶꢥ꣄ ꢬꢴꢶꢫꢾꢱꢶ ꢱꢮꣁ ꣎ ꢔꣁꢬꢸ ꢦꢵꢛꢶ ꢦꣁꢞꢡ꣄ꢡꢶꢱꣁ ꢒꢶꢥꢶ ꢔꢸꢞ꣄ꢔꢬꢸ ꢨꢶꢱꢡ꣄ꢡꢶꢱꣁ ꢒꢾꢬꢞꢱꢶ ꣎ ꢡꢾꢥꣂꢱꢶ ꢔꢫꢵꢥꢸꢒꢸ ꢢꢾꢡꢸ ꢧꣀꢭꢵꢡꢶ ꢗꣁꢬꢵꢥꢥꢶ ꢡꢒꢡ꣄ꢡꢾ ꣎ ꢡꢾꢭ꣄ꢫꣁ ꢔꣁꢬꢸꢥ꣄ꢪꢾꢳꢵꢡꢸꢒꢸ ꢫꢾꢒꢲꣂꢬꢸ ꢩꢾꢳꢶ ꢮꢶꢱ꣄ꢮꢵꢱꢸ ꢬꢴꢵꢱꢸ ꣏
ꢦꢸꢱ꣄ꢥꢶꢥ꣄
ꢲꢶꢭ꣄ꢣꢸꢭꢵ ꢔꣁꢬꢸ ꢪꢾꢥ꣄ꢡꢒꢵꢫꢶ ꣎ ꢡ꣄ꢫꣁ ꢒꢵꢫꢶ ꢒꢾꢬꢫꢶ ꣎ ꢡꢾꢒꣁ ꢒꢶꢱꣁ ꢒꢳꢵꢫꢶ ꣎ ꢔꣁꢬꢸꢮꢵꢥꢸ ꢡꢶꢫꣁ ꢒꣁꢒꣁ ꢣꢸꢪꢞꢾꢱꢶ ꣎ ꢔꣁꢬꢸꢥꢮꢾꢡ꣄ꢡꢾ ꢮꢷꢣꢸꢡꢾꢖ꣄ꢒꣁ ꢒꢶꢱꣁ ꢒꢳꢵꢫꢶ ꣎ ꢔꣁꢬꢸꢥꢸꢒꢸ ꢒꣁꢥꣁꢒꣁ ꢒꢾꢬꢶꢥꢸ ꢲꢥ꣄ꢥꢮꢸꢥ꣄ ꢣꢸꢞꢱꢸ ꣎
ꢙꢸꢞꢶꢥ꣄
ꢥꢴꢸꢔꢸ ꢥꢴꢸꢬꢸꢥ꣄ ꢤꣁꢠ꣄ꢞꣁ ꢣꢸꢪ꣄ꢞꢶ ꢒꣃꢡꢸ ꢔꢸꢖ꣄ꢔꢸ ꢣꢸꢪꢶꢥꢸ ꢣꢱ꣄ꢡꢸꢬꢶ ꢩꣂꢪꢡꢶ ꢢꢿꢡꢸ ꢪꢾꢥ꣄ꢡ ꢱꢸꢒ꣄ꢒꢾ ꢔꣁꢮꢡꢸ ꢲꢶꢭ꣄ꢣꢸꢭꢵ ꢔꣁꢬꢸꢒꢸ ꢲꢭ꣄ꢭꢣꣁꢭ꣄ꢭꢵ ꢔꣁꢬꢸꢪꢾꢥꢶ ꢪꢾꢳꢵꢡꢸꢒꢸ ꢪꢾꢥ꣄ꢡ꣄ꢡꢿꢱꢶ ꣎
Able to read but couldn’t make sense of the words here and there. Audio files might help. Thank you.