ꢦꢛ꣄ꢗꢡꢥ꣄ꢡ꣄ꢬ ꢓꢾꢥꢶꢥ꣄ – ꢒꢷꢱ꣄ꢒꢶꢥ꣄ ꢥꢒ꣄ꢒꢸꢬ꣄ – ꣒

ꢣꢸꢱ꣄ꢬꢥ꣄ꢣꢶ ꢱꣁꢳꢧꢵꢬ꣄ ꢓꣁꢨ꣄ꢨꢶꢪ꣄ ꢱꣁꢒꢥ꣄ ꢡꢷꢬꢸꢒ꣄ ꢂꢮꢶ ꢒꢷꢱ꣄ ꢙꣁꢮꢳ꣄ ꢮꢡ꣄ꢡꣁ ꢒꢾꢬꢾꢱ꣄ ꣎ ꢧꢭ꣄ꢗꣁ ꢒꢷꢱ꣄ ꢥꢒ꣄ꢒꢸꢬꢸꢒ꣄ ꢱꢶꢒꢶꢥ꣄ ꢒꢵꢫ꣄ ꢨꢵ ꢲꢶꢥ꣄ꢣꣁ ꢡꢹ ꢮꢶꢗꢵꢬ꣄ꢒꢥ꣄ ꢱꢿꢡ꣄ꢡꢾ ꢱꣁꢒꢥ꣄ ꢣꢾꢒ꣄ꢒꢵꢬꢱꢶ ꢪꢾꢥꢶ ꢦꢸꢱ꣄ꢡ | ꢡꢶꢱꣁ ꢂꢱ꣄ꢒꢶ ꢒꣀ ꢥꢴꢷꢥꢵ ! ꢪꢷ ꢓꣁꢨ꣄ꢨꢶꢪ꣄ ꢱꣁꢒꢥꢸꢱ꣄ ꢱꢿꢡ꣄ꢡꢾ | ꢏꢠ꣄ꢜꢾ ꢮꢶꢰꢫꢪ꣄ ꢡꣁꢬ꣄ ꢙꣁꢮꢳ꣄ ꢱꢖ꣄ꢔꢸꢥꣁ | ꢒꢵꢭ꣄ ꢡꢹ ꢣꢶꢫꢾ ꢦꣁꢳ꣄ꢳꣁ ꢬꢸꢮ꣄ꢮꢫꣁ ꢪꣁꢬ꣄ ꢩꢵꢬ꣄ꢫꢵꢒ꣄ ꢣꢶꢫꢾꢫꣁ ꢡꢶꢥꣁ ꢦꣁꢳ꣄ꢳꣁ ꢓꣀꢡꢶ ꢦꣁꢳ꣄ꢳꣁ ꢣꢶꢫꢾ ꢡꣁꢒꣁ ꢙꣁꢪꢥ꣄ ꢕꢭ꣄ꢥꣁ ꢪꢾꢥꢶ ꢡꣁꢒꣁ ꢨꣁꢳ꣄ꢳꢶ ꢃꢮ꣄ ꢪꢾꢥꢶ ꢪꢾꢥꢶꢡ꣄ꢡꢾ ꢡꢹ ꢙꣁꢪꢥꢸꢒ꣄ ꢂꢮ꣄ꢥꣁ ! ꢪꢾꢥꢶ ꢥꢒ꣄ꢒꢸꢬ꣄ ꢨꣁꢮ꣄ꢡꣁ | ꢪꣁꢒꣁ ꢦꢥꢶ ꢗꢭꢶ ꢂꢮꢡ꣄ꢡ ꢪꢸꢱꢸꢥꢵ ꢪꣁꢒꣁ ꢒꢵꢫ꣄ ꢓꢵꢡ꣄ꢡꢫꣁ ꢣꢾꢥꣁ ꢪꢾꢥꢶ ꢭꢔꢬꢱ꣄ꢒꢷ ꢡꢾꢭ꣄ꢭꢾ ꢍꢜ꣄ ꢂꢥꢶ ꢣꢿ ꢪꢾꢥꢶ ꢒꢷꢱ꣄ ꢱꢖ꣄ꢔꢸꢡ ꣎

ꢪꢷ ꢪꣁꢬ꣄ ꢦꢵꢝꣂꢬ꣄ ꢡꣁꢒꣁ ꢨꢶꢱꢭ꣄ꢭꢶ ꢨꣁꢭ꣄ꢭꢶ ꢙꢮꢸꢱ꣄ ꢃꢮ꣄ ꢪꢾꢥꢶ ꢥꢒ꣄ꢒꢸꢬ꣄ ꢨꣁꢮ꣄ꢡ ꣎ ꢥꢒ꣄ꢒꢸꢬ꣄ ꢱꢖ꣄ꢔꢾ ꢮꢡ꣄ꢡꣁ ꢎꢒ꣄ꢒꢶꢭꢶ ꢒꢷꢱ꣄ ꢥꢒ꣄ꢒꢸꢬ꣄ ꢦꢵꢜꢸꢬ꣄ ꢦꢶꢱꢶ ꢙꢶꢫꢾꢱ꣄ ꣎ ꢲꢣ꣄ꢣꢸ ꢥꢾꢣ꣄ꢣꢶ ꢣꢞꢾꢡ꣄ꢡꢾꢬ꣄ ꢥꢒ꣄ꢒꢸꢬ꣄ ꢒꢷꢱ꣄ ꢙꣁꢮꢳ꣄ ꢪꢾꢥꢾꢱ꣄ “ ꢪꣁꢬ꣄ ꢦ꣄ꢬꢿꢮ꣄ ꢱꢶꢖ꣄ꢔꣀꢡ꣄ ꢒꢷꢱꢸ, ꢡꣁꢬ꣄ ꢙꣁꢮꢳ꣄ ꢪꣁꢬ꣄ ꢪꣁꢥ꣄ꢥꢸꢪ꣄ ꢱꢿꢡ꣄ꢡꢾꢫꣁ ꢱꢖ꣄ꢔꢸꢱ꣄ ꢎꢒꢶꢭꢿ ꣎ ꢒꢵꢭ꣄ ꢪꣁꢬ꣄ ꢩꢵꢬ꣄ꢫꣁ ꢙꣁꢮꢳ꣄ ꢡꢹ ꢣꢶꢫꢾ ꢦꣁꢳ꣄ꢳꣁ ꢣꢶꢫꢾꢫꣁ ꣎ ꢡꢶꢥꣁ ꢡꣁꢬ꣄ ꢡꢶꢳ꣄ꢗꢶꢒꢶꢥ꣄ ꢒꢙꢳꢶ ꢦꢙꢾ ꢪꢾꢥꢶ ꢡꣁꢒꣁ ꢨꣁꢭ꣄ꢭꢶ ꢃꢮ꣄ꢪꢾꢥ꣄ꢡꢶꢒꢶ ꣎ ꢡꢾꢒ ꢲꢵꢭꢸꢱ꣄ ꢂꢡ꣄ꢡꣁ ꢡꣁꢒꣁ ꢡꢿꢜ꣄ ꢨꣁꢭ꣄ꢭꢶ ꢙꢵꢬꢶꢫꣁ” ꢪꢾꢥꢶ ꢥꢒ꣄ꢒꢸꢬ꣄ ꢪꢾꢥ꣄ꢡ ꣎ ꢒꢷꢱ꣄ ꢤꢒ꣄ꢒꢸꢥꢵꢡ꣄ꢡꣁ “ꢡꢶꢱꢫꢵ , ꢌꢭ꣄ꢭꢾ ꢮꢶꢮꢬ꣄ ꢡꢹ ꢡꢿꢜꢸꢱ꣄ ꢱꢖ꣄ꢔꢶꢬꢴꢶꢫꢾꢡꢶ ꢚꢵꢞꢸꢪ꣄ ꢱꢸꢒ꣄ꢒꢡꢔꢶꢬꢶꢫ ꢪꣁꢬ꣄ ꢡꢶꢳ꣄ꢗꢶꢒꢶꢥ꣄ ꢒꢙꢳꢶ ꢲꢾꢞꢶ ꢣꢷꢬꢮꢸꢥꢵ ! ꢂꢡ꣄ꢡꣁ ꢪꢾꢥꢬꢱꢶ ! ꢡꢷꢬꢸꢒ꣄ ꢗꢵꢭ꣄ ꢡꢿꢜ꣄ ꢱꢸꢒ꣄ꢒ ꢡꢔꢶꢬꢶꢫꣁ ꢪꣁꢬ꣄ ꢡꢶꢳ꣄ꢗꢶꢒꢶꢥ꣄ ꢒꢙꢳꢶ ꢲꢾꢞꢶ ꢣꢾꢮꢸꢱ꣄ ꢪꢾꢥꢶ ꢒꢷꢱ꣄ ꢪꢾꢥ꣄ꢥꢵꢡꢶꢡ꣄ꢒꢵꢪ꣄ ꢥꢒ꣄ꢒꢸꢬ꣄ ꢡꢷꢬꢸꢒ꣄ ꢙꢶꢫꢾꢱ꣄ ꣎

ꢡꢷꢬꢸꢒ꣄ ꢭꢥ꣄ꢣꢾ ꢒ꣄ꢰꢠꢪꢸ ꢒꢷꢱ꣄ ꢚꢵꢞ꣄ ꢆꢛ꣄ꢗꣁ ꢲꢶꢖ꣄ꢔꢶꢭꢶ “ꢲꣂ ! ꢮꢶꢱ꣄ꢮꢵꢱ꣄ ꢥꢴꢷꢡ꣄ꢡ ꢪꢒꢬꢵ ꣎ ꢦꣁꢳ꣄ꢳꣁ ꢡꣁꢞꢶ ꢣꢶꢫꢾ ꢪꣁꢒꣂꢱ꣄ ꢓꢵꢡ꣄ꢡ ꢱꢵꢬꢶꢫꣁ ꢲꢵ ! ꢒꢙꢳꢶꢒꢶꢥ꣄ ꢡꢶꢳ꣄ꢗꢶ ꢚꢵꢞꢸꢪ꣄ ꢒꣂꢥꢒ꣄ ꢬꢴꢵꢫ꣄ ꢪꣁꢬ꣄ ꢦꣂꢜꢸꢪꢸꢱ꣄ꢥꢵꢬꢴꢵꢫ꣄ ! ꢮꢶꢱ꣄ꢮꢵꢱ꣄ ꢥꢴꢷꢡ꣄ꢡꢾꢥꢵ, ꢍꢜ꣄ ꢱꣁꢞ꣄ꢞꢶ ꢤꢪꢶ ꢙꢿꢞꢿ ! ꢪꢾꢥꢶ ꢒꢷꢱ꣄ ꢔꢵꢳ꣄ꢞꢶ ꢡꢾꢬ꣄ꢪꢾꢱ꣄ ꣎ ꢂꢮꢾ ꢮꢵꢜ꣄ ꢱꢾꢫ꣄ꢭꢶ ꢥꢒ꣄ꢒꢸꢬ꣄ ꢤꢪꢶ ꢙꢶꢫꢾꢱ꣄ ꣏

 ”ꢣꢸꢰ꣄ꢜꢸꢥꢸ ꢱꢶꢥꢿꢲꢪ꣄ ꢒꢾꢰ꣄ꢜꢪꢸ ꢨꣁꢭ꣄ꢭꢶ ꢙꢵꢫ꣄” ꣎  “ꢒꢾꢰ꣄ꢜꢪ꣄ ꢂꢮꢥ꣄ꢮꢿꢳ꣄ ꢗꢶꢥ꣄ꢡꣁ ꢦꣁꢠ꣄ꢠꢵꢡ꣄ꢡꣁ ꢤꢾꢫ꣄ꢬꢶꢫꢪ꣄ꢒꢥ꣄ ꢬꢴꢥꣁ” ꣎