ꢍ ꢨꣀꢭ꣄ꢪꢾꢥꢶꢒꢸ ꢒꢵꢫꢶ ꢒꢾꢬꢶꢭꢿꢡꢸ ꢬꢴꢷꢱꢶ ꣎ ꢲꣁꢒꢭꢸꢪ꣄ ꢡꢥ꣄ꢣꢸ ꢯꢾꢞꢶꢒ꣄ꢒꢾꢬꢶꢭꢿꢡꢸꢥ꣄ ꢬꢴꢾꢫ꣄ꢱꢶ ꣎ ꢡꢾꢒꢲꢵꢡꢸꢪꢸ ꢯꢿꢡ꣄ꢡꢾ ꢣꢾꢠ꣄ꢞꢾꢒꢸ ꢪꢸꢱꢸꢳꢸ ꢪꢾꢥꢵꢱꢸ ꣎ ꢡꢾꢥꣁ ꢂꢦꢸꢱꢸꢲꢵꢡꢸ ꢯꢶꢖ꣄ꢒꢶ ꢯꢶꢖ꣄ꢒꢶꢥꢸ ꢪꢸꢱꢳ꣄ ꢲꢵꢡꢸꢪ꣄ ꢤꢾꢬꢶꢠꢸ ꢒꢠꢱꢸ ꣎
ꢣꢹꢔꢸꢪ꣄ ꢓꢞꢡ꣄ꢡꢾ ꢡꢥ꣄ꢣꢸ ꢯꢸꢣ꣄ꢤꢪ꣄ ꢬꢴꢵꢥ ꣎ ꢒꣁꢠ꣄ꢞꢯꢾꢥ꣄ꢡꣁ ꢬꢴꢵꢫꢶ ꣎ ꢲꢥ꣄ꢣꢡ꣄ꢡꣁꢒꢶꢥꢶ ꢓꢵꢡ꣄ꢡꣁꢒꢸ ꢗꣁꢒꢞ꣄ꢟ꣄ꢞꢵꢥ ( ꢗꣁꢒꢞ꣄ꢬꢴꢵꢥ ) ꣎ ꢯꢾꢞꢶꢒ꣄ꢒꢾꢬꢾꢡꢷ ꢒꣁꢠ꣄ꢞꣁ ꢲꢶꢜ꣄ꢜꢶ ꢙꢵꢫꢶ ꣎ ꢡꢥ꣄ꢣꢸ ꢗꣁꢒꢞ꣄ꢟ꣄ꢬꢵꢫꢶ ( ꢗꣁꢒꢞ꣄ꢬꢴꢵꢫꢶ ) ꣎
ꢪꢸꢱꢳ꣄ ꢩꢵꢬ꣄ ꢱꢿꢡ꣄ꢡꢾ ꢤꢸꢪ꣄ꢜꢲꢵꢭꢶ ꢒꢾꢬ꣄ꢥꢶꢦꣁꢞꢱꢸ ꣎ ꢪꢸꢱꢳꢸꢒ꣄ꢒꣁꢥꢵꢒꢸ ꢯꣁꢔꢠꢶꢒ꣄ꢮꣂꢮꢸ ꢡꢔꢶꢬꢴꢵꢱꢸꢥ꣄ ꣎ ꢌꢭ꣄ꢫꣁ ꢲꣁꢔꢳꢸ ꢭꢔꢸꢞꢵꢒꢾ ꢥꢴꢵ ꢣꢾꢔꢸꢞꢵꢒꢾ ꣎ ꢯꢶꢭꢵꢒꢾ ꢩꢵꢬꢸꢬꢴꢵꢱꢸ ꣎ ꢒꢠꢾ ꢡꢥ꣄ꢣꢸ ꢲꣁꢔꢳꢸꢪ꣄ꢡꣁꢔꢥ꣄ ꢲꢷꢞꢶ ꢯꢸꢨꢸꢞꢵꢪ꣄ ꢡꢒꢶꢭꢶꢥꢸ ꢧꢖ꣄ꢔꢸꢞꢱꢸꢥꢸ ꣎ ꢡꢿꢭ ꢣꢷ ꢱꢸꢨꢸꢞꢵꢥꢸ ꢱꢿ ꣎ ꢡꢸꢪꢶ ꢣꢷ ꢙꢾꢥꢸ ꢓꢳ꣄ꢳꢶꢥꢸ ꢧꢖ꣄ꢔꢸꢞꢾꢡꢷ ꢱꢾꢠꢪ꣄ꢒꢵꢪ꣄ ꢪꢸꢱꢫꢶ ꣎ ꢯꢾꢲꢶꢒꢸꢡꢥ꣄ꢣꢸꢥ꣄ ꢢꢒꢢꢒꢵꢫꢶ ꣎ ꢓꢮꢾꢥ꣄ ꢬꢸꢗ꣄ꢗꢶ ꢬꢴꢵꢫꢶ ꣎
ꢓꢵꢳꢸ ꢦꣁꢞ꣄ꢟ꣄ꢬꢶꢫꣁ ꢚꢥ꣄ꢠꢶ ꢒꢵꢫꢶ ꢥꣂꢔꢸ ꣎ ꢡꢥ꣄ꢣꢸ ꢒꢠꢡ꣄ꢢꢾꢨ꣄ꢨꣁ ꢘꢶꢜꢶꢥꢸ ꢓꢭ꣄ꢭꣁ ꢦꣁꢞꢫꢶ ꣎ ꢓꢵꢳ꣄ꢒꢶꢬꣀ ꢬꢴꢶꢫꢾ ꢡꢥ꣄ꢣꢸ ꢢꢾꢨ꣄ꢨꣁꢢꢾꢨ꣄ꢨꣂꢱꢶ ꢦꢸꢛ꣄ꢙꣁ ꢭꣁꢜꢶꢥꢸ ꢧꢷꢬꢸ ꢲꣁꢒꢳꢸꢪꢸ ꢲꢾꢜ꣄ꢜꢒꢶꢭꢶ ꢒꢠꢥ꣄ ꣎ ꢡꢾꢒꢭꢾꢖ꣄ꢔꢵꢱꢶ ꢚꢥ꣄ꢠꢶ ꢦꢙꢾꢲꣁꢡ꣄ꢡꢾ ꣎ ꢒꣁꢠ꣄ꢞꣁ ꢔꢫꢵꢥꢸꢒꢸ ꢡꢒ꣄ꢮꢵꢫꢶ ꣎ ꢒꢸꢒꢸꢞꢵꢥꢸꢒ꣄ꢒꢶꢥꢶ ꢡꣀꢮꢵꢱꢸ ꢒꢾꢥ꣄ꢥꢶꢣꢾꢳꢶ ꢦꢷꢜ꣄ꢒꢾꢬꢶꢥꢸ ꢥꢾꢔ꣄ꢔꢸ ꢲꢥ꣄ꢣꢸꢮꢵꢫꢶ ꣎ ꢒꢾꢥ꣄ꢥꢶ ꢪꢾꢳ꣄ꢳꢶ ꢲꢥ꣄ꢣꢶ ꢓꢵꢡ꣄ꢡꢾꢱꢿ ꣎ ꢥꢔꢵ ꢒꢾꢥ꣄ꢥꢶ ꢨꢶꢙ꣄ꢭꢞꢶꢥ꣄ ꢔꢳꢶꢓꢵꢱꢸꢥ꣄ ꣎
ꢌꢪꢵꢒꢸ ꢘꢶꢥ꣄ꢒꢾ ꢥꢬꢾꢳ꣄ꢒꢶꢥꢶ ꢔꢸꢳ꣄ꢳꢸꢡꢒꢶꢥꢸ ꢓꣀꢭꢱꢸꢥ꣄ ꣎ ꢂꢥ꣄ꢔꢸꢥ꣄ ꢌꢭ꣄ꢫꢸ ꢪꢸꢖ꣄ꢔꢶꢔꢿꢭꢸꢥꢸꢒꢸ ꢪꢾꢳ꣄ꢳꢶ ꢡꢒꢱꢸꢥ꣄ ꣎ ꢌꢪ꣄ꢓꢞꣁ ꢙꢸꢒ꣄ꢒꢸ ꢬꢴꢵꢡ꣄ꢡꢾ ꣎ ꢱꢵꢳꢸꢓꢿꢡꢸꢪꢸ ꢱꢵꢳꢸꢒꢿꢪ꣄ꢱꢾꢖ꣄ꢔꣁ ꢨꢸꢱꣁ ꢪꢾꢳ꣄ꢳꢶ ꢦꢶꢒ꣄ꢒꢡ꣄ꢡꢾ ꣎ ꢱꢵꢳꢸꢡꢸꢰꣁ ꢗꢸꢭ꣄ꢭꢣꢵꢬꢸꢒꢸꢡꢒꢸꢮꢵꢫꢶ ꣎ ꢢꣂꢬꢸ ꢆꢞꢶꢡꢸ ꢥꢶꢳꢪꢸ ꢌꢒꢵ ꢱꢶꢪ꣄ꢨꢸꢥ꣄ ꢔꢫꢵꢥꢸꢒꢸ ꢒꣁꢠ꣄ꢞꣁ ꢱꢾꢬ꣄ꢒꢶꢥ꣄ꢱꢾꢖ꣄ꢔꣁ ꢕꢳꢸꢮꢵꢫꢶ ꣎
ꢦꢸꢱ꣄ꢥꢶꢥ꣄
ꢪꢸꢱꢸꢳꢸ ꢒꢵꢫ꣄ ꢥꣂꢔꢸ ? ꢡ꣄ꢫꣂ ꢒꣁꢲꢵꢭꢶ ꢒꢾꢬ꣄ꢥꢶꢦꣁꢞꢱꢸ ? ꢮꣁꢮꢸ ꢒꢾꢒꣁ ꢬꢴꢵꢡ꣄ꢡꢾ ? ꢗꢿꢭꢸ ꢒꢾꢒꢤꢶꢬꢶ ꢦꢙꢾꢲꣂꢡ꣄ꢡꢾ ? ꢱꢸꢨ꣄ꢞꣁꢒꢶꢥ꣄ ꢚꢥ꣄ꢠꢶ ꢒꣂꢥ꣄ꢒꢵꢪꢸꢒꢸꢦꢙꢾ ꢲꣁꢱꢸ ? ꢒꣁꢠ꣄ꢞꣁ ꢒꣁꢖ꣄ꢒꣁꢒꣁꢖ꣄ꢒꣁ ꢦꢙꢾꢱꢿ ? ꢱꢶꢪ꣄ꢨꢸꢥ꣄ ꢒꣂꢥ꣄ ꢓꢵꢡ꣄ꢡꢾ ? ꢥꢔꣁꢒꢾꢒꢸ ꢆꢦꢫꣂꢔꢸ ? ꢒꢿꢪ꣄ꢱꢬ ꢒꢵꢫ꣄ꢦꢶꢒ꣄ꢒꢫꢶ ? ꢗꢶꢜꢶꢦꣁꢞꢾ ꢡꢥ꣄ꢣꢸ ꢏꢛ꣄ꢙꢶꢥ꣄ ꢒꢵꢫꢶ ꢒꢾꢬꢡ꣄ꢡꢾ ? ꢤꣂꢔꢸꢡꢥ꣄ꢣꢸ ꢒꢶꢱ ꢬꢴꢵꢫꢶ ? ꢡꢥ꣄ꢣꢸ ꢱꢾꢞꢶꢒꢸ ꢒꢾꢬ꣄ꢥꢵꢡ꣄ꢡꣁꢒ꣄ꢒꢶꢥꢶ ꢕꣁꢳ꣄ꢠꢵꢡ꣄ꢡꣁꢒꢸ ꢂꢖ꣄ꢔꢸꢥ꣄ ꢥꢾꢳ꣄ꢒꢸꢥꢵꢡ꣄ꢡꣁꢒꢸ ꢬꢴꢶꢫꢾꢡꢶ ꢒꢵꢫꢶ ꢣꣂꢱꢸ? ꢡꢸꢰ꣄ꢳꣁ ꢒꣁꢒꢭꢾꢖ꣄ꢔꣁ ꢡꢶꢮꢡ꣄ꢡꢾ ? ꢡꢥ꣄ꢣꢸ ꢧꢖ꣄ꢔꢸꢞꢡ꣄ꢡꢾꢒꢲꢵꢭꢶ ꢒꢬꢾꢒꢵꢫꢶ ?
ꢱꣃꢬꢵꢰ꣄ꢜ꣄ꢬꢩꢵꢰꢵꢪ꣄ ꢭꢶꢖ꣄ꢔꢸꢩꢿꢣꢸꢥ꣄ ꢒꢶꢱꣁꢙꢥꢡ꣄ꢡꢾ ? ꢢꢾꢮꢸꢞ ꢯꢨ꣄ꢣꢸꢥ꣄ ꢆꢣꢵꢲꢬꢠꢱꢾꢖ꣄ꢔꢵꢦꢵꢜꢶ ꢮꢶꢮꢬꣁ ? ꢒꣂꢥ꣄ ꢪꢾꢥꢡ꣄ꢡꢾ ꢯꢨ꣄ꢣꢸ ꢒꣂꢥ꣄ ꢭꢶꢖ꣄ꢔꢸ ? ꢌꢒꣁ ꢨꢲꢸꢮꢗꢥ ꢬꢸꢦꢸ ꢒꢶꢱꣁ ? ꢍ ꢯꢨ꣄ꢣꢸꢒꢸꢬꢹꢦꢵꢥꢶꢰ꣄ꢗꢡ꣄ꢡꢶ ꢮꢶꢮꢬꣁ ? “ꢭꢿꢪꢸ”ꢪꢥ꣄ꢡ ꢯꢨ꣄ꢣꢸꢒꢸ ꢭꢶꢖ꣄ꢔꢸ ꢒꣂꢥ꣄ꢫꣁ ? ꢪꢸꢖ꣄ꢔꢶ ꢯꢨ꣄ꢣꢸꢒꢸ ꢦꢸꢭ꣄ꢭꢶꢖ꣄ꢔꢸ ꢒꣂꢥꢒꢸ ? “ꢓꢵꢳ꣄” ꢯꢨ꣄ꢣꢸ ꢒꣂꢥ꣄ꢮꢵꢗꢶ ?
ꢍ ꢨꣀꢭ꣄ꢪꢾꢥꢶꢒꢸ ꢒꢵꢫꢶ ꢒꢾꢬꢶꢭꢿꢡꢸ ꢬꢴꢷꢱꢶ ꣎ ꢲꣁꢒꢳꢸꢪ꣄ ꢡꢥ꣄ꢣꢸ
ꢯꢾꢞꢶꢒ꣄ꢒꢾꢬꢶꢭꢿꢡꢸꢥ꣄ ꢬꢴꢾꢫ꣄ꢱꢶ ꣎ ꢡꢾꢒꢲꢵꢡꢸꢪꢸ ꢯꢿꢡ꣄ꢡꢾ ꢣꢾꢠ꣄ꢞꢾꢒꢸ ꢪꢸꢱꢳꢸ ꢪꢾꢥꢵꢱꢸ ꣎ ꢡꢾꢥꣁ ꢂꢦꢸꢭꢸ ꢲꢵꢡꢸ
ꢯꢶꢖ꣄ꢒꢶ ꢯꢶꢖ꣄ꢒꢶꢥꢸ ꢪꢸꢱꢳ꣄ ꢲꢵꢡꢸꢥꢸꢪ꣄ ꢤꢾꢬꢶꢠꢸ ꢒꢠꢱꢸ ꣎
ꢣꢹꢔꢸꢪ꣄ ꢓꢞꢡ꣄ꢡꢾ ꢡꢥ꣄ꢣꢸ ꢯꢸꢣ꣄ꢤꢪ꣄ ꢬꢴꢵꢥ ꣎ ꢒꣁꢠ꣄ꢞꢯꢾꢥ꣄ꢡꣁ ꢬꢴꢵꢫꢶ ꣎ ꢲꢥ꣄ꢣꢡ꣄ꢡꣁꢒ꣄ꢒꢶꢥꢶ ꢓꢵꢡ꣄ꢡꣁꢒꢸ ꢗꣁꢒꢞ꣄ꢬꢴꢵꢥ ꣎
ꢯꢾꢞꢶꢒ꣄ꢒꢾꢬꢾꢡꢷ ꢒꣁꢠ꣄ꢞꣁ ꢲꢶꢜ꣄ꢜꢶ ꢙꢵꢫꢶ ꣎ ꢡꢥ꣄ꢣꢸ ꢗꣁꢒꢞ꣄ꢬꢴꢵꢫꢶ ꣎
ꢤꢸꢪ꣄ꢜꢲꢵꢭꢶ = ꢒꢾꢜ꣄ꢜꢾ ꢲꢵꢭꢶ
ꢮꣂꢮꢸ = பூண்
ꢪꢥ꣄ꢡꢸꢥꢸ ꢱꢾꢬ꣄ꢒꣁ ꢒꢾꢬ꣄ꢡꢶꢬꢶꢫꣁ . ꢤꢥ꣄ꢥꢸ