ꢄꢱꣁ ꢩꣂꢬꢵꢱ꣄ꢡꢵꢪ꣄ ꢨꢸꢞꢶ ꢬꢴꢒ꣄ꢒꢶꢭꢿꢡ꣄ ꢲꣁꢡꢾꢱꢶ ꣎ ꢕꢾꢠ꣄ꢜꣁ ꢲꣁꢫ꣄ꢭꢿꢡ꣄ ꢲꣁꢡꢾꢱꢶ; ꢲꢸꢖ꣄ꢔꢶ ꢤꢸꢳ꣄ꢳꢿꢡ꣄ ꢲꣁꢡꢾꢱꢶ ꣎ ꢪꢴꢣ꣄ꢣꢶ ꢪꢴꢣ꣄ꢣꢶ ꢲꣂꢖ꣄ꢔꢸ ꢢꢾꢭ꣄ꢗꢶ ꢱꢶꢫꢿꢱ꣄ ꣎ ꢂꢖ꣄ꢔꢸꢥ꣄ ꢏꢠ꣄ꢜꢾ ꢱꣂꢮꢸ ꢲꣁꢫ꣄ꢬꢾꢥꢶ ꣎ ꢒꢵꢫ꣄ ꢒꢾꢬꢸꢮꢵꢫꢶ ꢪꢾꢥꢶ ꢫꣂꢗꢥꣁ ꢒꢾꢬꢡ꣄ꢡꢾꢮꢿꢳꢸ ꢱꣁꢳꣁ ꢲꣁꢫ꣄ꢫꣂ ꣎ ꢡꢾꢮꢿꢳ꣄ ꢱꢷ ꢏꢠ꣄ꢜꢾ ꢣꣁꢮ꣄ꢬꣁ ꢒꢸꢒ꣄ꢬꣁ ꢂꢮꢶ ‘ꢍꢫ꣄! ꢄꢱꣁ ꢒꢵꢫ꣄ ꢦꢶꢱꢵꢥ꣄ ꢱꣁꢒꢥ꣄ ꢙꢵꢭꢸꢪ꣄ ꢱꢪ꣄ꢜꢶꢭ꣄ꢬꢶꢫꣁ; ꢲꢸꢜꣁ ꢲꢸꢜꣁ; ꢂꢱ꣄ꢒꢶ ꢡꢾꢥꢸ ꢏꢠ꣄ꢜꢿꢱ꣄ꢒꢥ꣄ ꢨꢶꢱ꣄ꢱꣁ ꢲꢸꢞꣂ ꢪꢾꢥꢶ ꢪꢾꢥ꣄ꢥꢵꢡ꣄ꢡꢶꢒ꣄ꢒꢵꢪ꣄ ꢂꢱ꣄ꢒꢶ ꢒꢸꢒ꣄ꢬꢵꢥꢸꢒꢸ ꢥꢾꢳꢸꢮ꣄ ꢂꢮꢶ ꢲꢸꢞ꣄ꢫꢵꢱ꣄ ꣎
ꢔꣁꢪ꣄ꢨꢾ ꢲꢵꢡꢸꢪ꣄ ꢲꣁꢡꢾ ꢣꣂꢬ꣄ ꢲꢳ꣄ꢳꢸ ꢚꢶꢬ꣄ꢒꢥ꣄ ꢥꢶꢒꢶꢳꢾꢱ꣄ ꣎ ꢔꣁꢪ꣄ꢨꢾ ꢣꢷ ꢲꢵꢡ꣄ ꢲꣁꢭ꣄ꢭꣁ ꢕꢾꢜ꣄ꢜꢶ ꢡꢾꢭ꣄ꢫꣁ ꢣꣂꢬꢸꢒ꣄ ꢤꢾꢬ꣄ꢭꢶꢞꢶꢫꣁ ꣎ ꢒꢶꢡ꣄ꢒꣁ ꢨꣁꢭꢶꢪ꣄ꢒꢥ꣄ ꢆꢜ꣄ꢗꢾꢡꢶ ꢪꢾꢳ꣄ꢳꢶ ꢒꢸꢒ꣄ꢬꢵꢥꢸꢒ꣄ ꢌꢒ ꢲꢵꢭ꣄ ꢓꢵꢭ꣄ꢆ ꢜ꣄ꢗꢡ꣄ꢡꢒ꣄ ꢪꢸꢱꢾꢥꢶ ꣎ ꢱꢾꢡ꣄ꢭꢵꢪ꣄ ꢌꢥꣁ ꢪꢾꢳ꣄ꢳꢶ ꢂꢒꢵꢱꢸꢪ꣄ ꢣꣂꢬ꣄ ꢤꢾꢬ꣄ꢭꢾꢮꢵꢒꢸꢬ꣄ ꢆꢛ꣄ꢗꣁ ꢙꢥꣁ ꢦꣁꢳ꣄ꢳꢶꢞꢶꢫꣁ ꣎
꣙꣙ ꢒꢸꢒ꣄ꢬꢵꢥ꣄ ꢮꢾꢣꢸꢬ꣄ ꢌꢒꢵ ꢨꣁꢭꢶꢪ꣄ ꢒꣁꢥ꣄ꢥꢶ ꢒꢾꢬꢡ꣄ꢡꢒ꣄ ꢪꢸꢱꢾꢥꢶ ꣎ ꢡꢾꢮꢿꢳ꣄ ꢣꣂꢬ꣄ ꢲꢵꢡ꣄ ꢱꢸꢜ꣄ꢜꢶ, ꢂꢒꢵꢱꢸꢪ꣄ ꢬꢴꢷ ’ꢩꣁꢡ꣄ꢡꢸ ꢒꢾꢬꢶ’ ꢣꣁꢱ꣄ꢒꣁ ꢓꢵꢭ꣄ ꢩꢸꢛꢶꢒꢸ ꢂꢮ꣄ꢭꢿꢡ꣄ ꢬꢴꢡꣁ, ꢏꢠ꣄ꢜꢾ ꢮꢶꢗꢶꢡ꣄ꢬꢪ꣄ ꢗꢭꢾꢱꢶ ꣎ ꢒꢵꢫꣁ ꢪꢾꢥꢾꢡꢶ ꢡꢾꢥꣁ ꢏꢠ꣄ꢜꢾ ꢒꢸꢒ꣄ꢬꣁ ꢲꣁꢫ꣄ ꢂꢒꢵꢱꢸꢪ꣄ ꢡꢾꢭꢡ꣄ꢡꢒ꣄ ꢥꢶꢒꢶꢳ꣄ꢳꢶꢞꢶꢫꣁ ꣎ ꢔꣁꢪ꣄ꢨꢾꢒꢸ ꢦꢶꢖ꣄ꢒꢸꢞꢵꢥ꣄ (ꢬꢾꢒ꣄ꢒꢾꢥ꣄) ꢂꢮ꣄ꢞꢶꢫꣁ ꣎ ꢬꢸꢮ꣄ꢮꣁ ꢣꢸꢣꢹꢬꢸꢪ꣄ ꢯꢿꢡ꣄ꢡꢾ ꢏꢠ꣄ꢜꢾ ꢲꢶꢬꢵꢪꢸ ꢒꢸꢒ꣄ꢬꢵꢥ꣄ ꢣꢾꢒ꣄ꢒꢫꢾꢫꣁ ꢱꢷꢡ꣄ꢡꢶ ꢔꣁꢪ꣄ꢨꢾ ꢡꢿꢜꢸ ꢲꢸꢡ꣄ꢡꢶꢬꢶ ꢱ꣄ꢬꢪꣁ ꢦꢬꢶꢲꢵꢬ꣄ ꢒꢾꢬ꣄ꢭꢾꢖ꣄ꢔꢥ꣄ ꢪꢾꢥꢶ ꢲꢮ꣄ꢜꢶ ꢲꢸꢡ꣄ꢡꢶꢬꢿꢱꢶ ꣎
ꢡꢿꢜꢸ ꢏꢠ꣄ꢜꢾ ꢥꢴꢥ꣄ꢥ ꢬꢸꢦ꣄ꢦꢵ ꢪꢴꢳꢶꢒꢸ ꢤꢾꢬꢶ ꢓꢵꢡ꣄ꢡꢒ꣄ ꢱꢶꢫꢾꢱꢶ ꣎ ꢡꢾꢮꢿꢳ꣄ ꢦꢱ꣄ꢒꢜ꣄ ꢒꣁꢥ꣄ꢒꢷ ꢆꢜ꣄ꢗꢾ ꢱꣁꢒꢥ꣄ ꢭꢔꢾꢱꢶ ꣎ ꢡꢾꢭ꣄ꢫꣁ ꢔꣁꢪ꣄ꢨꢾ ꢡꢔꢾ ꢙꢵꢭꢹꢱ꣄ ꢪꢾꢥꢶ ꢒꢳꢫꢾꢱꢶ ꣎ ꢂꢫ꣄ꢫꣂ, ꢪꣁꢒꣁ ꢥꢙ꣄ꢙꢾ ꢒꢵꢪ꣄ ꢒꢾꢬꢫ꣄ꢫꣁꢥꢵ ꢪꢾꢥ ꢮꢶꢗꢵꢬ꣄ ꢦꣁꢞꢾꢱꢶ ꣎ ꢪꣁꢥ꣄ꢥꢸꢪ꣄ ꢨꢵꢣꣁ ꢦꣁꢞꢶ ꢔꣁꢪ꣄ꢨꢾ ꢣꣁꢳꢵꢥꢸꢪ꣄ ꢬꢴꢷ ꢦꢥꢶ ‘ꢦꣁꢬꣁꢦꣁꢬꣁ’ ꢒꢾꢬꢶ ꢦꣁꢞꢾꢱꢶ ꣎ ꢣꣁꢳꢵꢪ ꢦꢥꢶ ꢃꢖ꣄ꢔꢱ꣄ꢒꣁ ꢭꢔꢸꢥꢵꢡ꣄ꢡꢶꢒ꣄ꢒꢵꢪ꣄ ꢒꢸꢒ꣄ꢬꣁ ꢒꢥ꣄ ꢪꢬ꣄ꢗꢫꢾ ꢔꣁꢪ꣄ꢨꢾ ꢬꢴꢡ꣄ꢡꣁ ꢤꢵꢥꢸꢒ꣄ ꢧꢷꢬ꣄ ꢪꢾꢥꢶꢒ꣄ ꢲꣁꢫ꣄ꢫꣁ ꣎
ꢓꢾꢥꢶ ꢪꢸꢙ꣄ꢫꣂ ꣎ ꢓꢾꢡꣁ ꢪꢸꢙ꣄ꢫꣂ ꣎
( ꢌꢭ꣄ꢭꢾ ꢓꢾꢥꢶ ꢙꢦ꣄ꢦꢵꢥ꣄ ꢩꢵꢰꢵꢪ꣄ ꢬꢴꢷ ꢱꣃꢬꢵꢰ꣄ꢜ꣄ꢬ ꢩꢵꢰꢵꢪ꣄ ꢂꢥꢸꢮꢵꢣ꣄ ꢒꢾꢬ꣄ꢫꢵꢡ꣄ꢡꢾꢥꢸ ꢆꢦꢪꢥ꣄ꢫꢸ ꢃꢬ꣄ꢫꢵꢥꢸ ꣎ )
ꢌꢭ꣄ꢭꢾ ꢓꢾꢥꢶ ꢙꢦ꣄ꢦꢵꢥꢶꢰ꣄ ꢥꢴꢥ꣄ꢥ ꢦꢶꢭ꣄ꢭꢭ꣄ꢥꢸꢒ꣄ ꢒꢸꢬ꣄ꢗꢶ ꢭꢶꢒ꣄ꢒꢶꢬꢶꢫꣁ ꢪꢾꢥꢶ ꢭꢔꢬꢱ꣄ ꣎ ꢲꣁꢫꢾꢡꢶ ꢌꢭ꣄ꢭꢾ ꢓꢾꢥꢶꢪ꣄ ꢬꢴꢷ ꢥꢷꢡꢶ ꢨꣂꢤꢥꣁ ꢒꢵꢫꣁ ꢪꢾꢥꢶ ꢱꢖ꣄ꢔꢿꢡꢶꢱ꣄ ꢦꢶꢭ꣄ꢭꢭ꣄ꢥꢸꢒ꣄ ꢄꢮꢬ꣄ ꢦꣁꢞꢫ꣄ ꣎
꣑. ꢮꢶꢤꢶ (rule) ꢡꣁꢞꢥ꣄ ( break) ꢲꣂꢥꢵ ꣎ ꢏꢠ꣄ꢜꢾ ꢣꢶꢥ꣄ꢥꢸꢒ꣄ ꢏꢠ꣄ꢜꢾ ꢒꢸꢒ꣄ꢬꢵꢒ꣄ (crane)
ꢤꢾꢬ꣄ꢥꣁ ꢪꢾꢥꢶ ꢯꢿꢡ꣄ꢡꢾ꣎
꣒.ꢩꣂꢬꢵꢱ꣄ꢡꣁ (greed) ꢦꣁꢞꢥ꣄ ꢲꣂꢥꢵ꣎ ꢏꢠ꣄ꢜꢾ ꢓꢳ꣄ꢳꢸꢥꣁ ꢪꢾꢥꢡ꣄ꢡꢿꢜ꣄ ꢏꢠ꣄ꢜꢾ ꢱꣂꢮꢸꢫꣁ (꣑꣐꣐) ꢓꢳ꣄ꢳꢷꢱ꣄ ꢡꢶꢬꢡ꣄ꢡꢾ ꢪꢾꢥꢶ ꢲꢜꢪ꣄ ꢢꣁꢮꢶ ꢬꢴꢒ꣄ꢒꢾꢫꣁ ꢡꢾꢒꣁ ꢲꢵꢥꢶ(loss) ꢂꢮꢶ ꢭꢔꢾꢱꢶ ꣎
꣓. ꢒꢸꢒ꣄ꢬꢵꢥ꣄ ꢣꣁꢳꣁ ꢚꣀꢭꢶ ꢒꢵꢫ꣄ ꢗꢭ꣄ꢬꢶꢫꣁ ꢪꢾꢥꢡ꣄ꢡꢾ ꢱꢵꢥꢵꢡ꣄ꢡꢒ꣄ ꢲꣁꢡꢾ ꢲꢵꢭꢶ ꢒꢾꢰ꣄ꢜꢪ꣄ ꢪꢸ ꢱꢪ꣄ꢜꢶꢥꢶ ꢦꣁꢞ꣄ꢫꢵꢱꢷ ꢒꢶꢬꢵꢡꢸ =hunter, ꢙꢵꢭꢸ=net ꢡꢔꢶ ꢲꣁꢡꢾꢫꣁ ꢙꢥ꣄ꢭꢥ꣄ ꢪꢸꢱꢾꢥꢶ ꣎
꣔. ꢪꢴꣁꢜ꣄ꢜꢵꢥꢸ ꢃꢭꣂꢗꢥꣁ ꢲꢵꢭꢷꢱ꣄ ꢒꢾꢰ꣄ꢜꢪ꣄ꢪꢸ ꢬꢴꢷ ꢩꢬꢵꢜ꣄ ꢂꢮꢥ꣄ ꢪꢸꢱꣀ ꣎
ꢣꣁꢮ꣄ꢬꣁ ꢒꢸꢒ꣄ꢬꣁ ꢂꢮꢶ ꢂꢱ꣄ꢒꢶ ꢒꢸꢒ꣄ꢬꢵꢥꢸꢒ꣄ ꢏꢠ꣄ꢜꢿꢱ꣄ ꢒꢥ꣄ ꢲꢸꢞꢸꢮꣁ ꢪꢾꢥꢶ ꢃꢭꣂꢗꢥꣁ
ꢣꢶꢫꢾ ꢲꢵꢭ꣄ ꢡꣁꢦꢶꢛ꣄ꢗꢵꢱ꣄ ꣎
꣕. ꢎꢒ꣄ꢫꢪ꣄ ꢒꢥ꣄ ꢬꢴꢶꢫꢾꢡꢷꢱ꣄ ꢒꢾꢰ꣄ꢜꢪ꣄ꢪꢸ ꢬꢴꢷ ꢩꢬꢵꢜ꣄ ꢂꢮꢥ꣄ ꢪꢸꢱꢫ꣄ ꣎
ꢂꢱ꣄ꢒꢶ ꢒꢸꢒ꣄ꢬꢵꢥ꣄ ꢏꢠ꣄ꢜꢿꢱ꣄ ꢮꢿꢳꢸꢪ꣄ ꢂꢒꢵꢱꢸꢪ꣄ ꢲꢸꢞꢾ ꢲꢵꢭ꣄ ꢒꢶꢬꢵꢡꢸ ꢙꣁꢮꢳ꣄ ꢬꢴꢷ
ꢡꣁꢦꢸꢛ꣄ꢗꢡ꣄ꢡꢒ꣄ ꢪꢸꢱꢾꢱꢶ ꣎
꣕. ꢒꢾꢬꢾ ꢪꢥ꣄ꢡꢸꢒ꣄ ꢪꣁꢥ꣄ꢥꢸ ꢙꢥ꣄ꢡ ꢮꢶꢗꢵꢬ꣄ ꢦꣁꢞꢾꢡꢶ, ꢩꢔꢮꢵꢥ꣄ ꢒꢺꢦꣁ ꢒꢾꢬꢫꢶ꣎
ꢒꢶꢬꢵꢡꢸ ꢪꢥ꣄ꢡꢸ ꢒꢾꢬꢾ ꢲꢵꢭ꣄ ꢒꢸꢒ꣄ꢬꣁ ꢲꣁꢫꢾꢡ꣄ꢡꢾꢥꣁ, ꢪꣁꢥ꣄ꢥꢸ ꢙꢥ꣄ꢡꣁ ꢡꢦ꣄ꢦꢸ ꢒꢾꢬꢫ꣄ꢫꣁ ꢪꢾꢥꢶ ꢮꢶꢗꢵꢬ꣄ ꢦꣁꢞꢶ ꢬꣁꢞꢾꢲꢵꢭ꣄, ꢧꢷꢬ꣄ ꢪꢾꢥꢶꢒ꣄ꢒꢥ꣄ ꢲꣂꢡ꣄ꢡꢒ꣄ ꢪꢸꢱꢾꢱꢶ ꣎ ꣎
ꢚꢸꢒ꣄ꢒꢸ ꢗꣁꢒ꣄ꢒꢜ꣄ ꢓꢾꢥꢶꢪ꣄ ꢬꢴꢷ ꢂꢪꢶ ꢒꢵꢫ꣄ ꢄꢮꢬꢸꢥ꣄ ꢒꢭꢭ꣄ꢭꢸꢥꣁ ꢪꢾꢥꢶꢒꢶꢥ꣄ ꢱꢖ꣄ꢔꢾꢡꢾꢒ ꢤꢥ꣄ꢥꢸ ꣎
ꢫꢾꢭ꣄ꢭꢾ ꢓꢾꢥꢶꢒ꣄ ꢔꣁꢪ꣄ꢨꢾ ꢪꢾꢥꢡ꣄ꢡꢾ ꢥꢵꢮ꣄ ꢱꣁꢪ꣄ꢪꢬ꣄ ꢣꢸꢱꢸꢬ ꢥꢵꢮ꣄ ꢬꢴꢷꢫꢾꢡꢶ ꢂꢖ꣄ꢔꢸꢥ꣄ ꢗꣁꢒ꣄ꢒꢜ꣄ ꢲꣁꢡꢶꢬꢴꢵꢫ꣄ ꢪꢾꢥꢶ ꢪꣁꢔ ꢭꢔꢬꢾꢱ꣄ ꣎
ꢙꢦ꣄ꢦꢵꢥ꣄ ꢩꢵꢰꢵꢪ꣄ ꢔꣁꢪ꣄ꢨꢾ ꢪꢾꢥꢾꢡꢶ ꢒꢵꢫ꣄ ꢂꢬ꣄ꢢꢸ ?
ꢲꢜꢪ꣄ & ꢤꢾꢥ꣄ꢗꢸ ꢒꢸ ꢮꢶꢡ꣄ꢫꢵꢱ꣄ ꢒꢳꢥꣁ ꣎
ꢤꢾꢥ꣄ꢗꢸ உறுதி positive thinking
ꢲꢜꢪ꣄ negative thinking (vengeance)