ꢱꣃꢥ꣄ꢣꢬ꣄ : ꢂꢡ꣄ꢡꣁ ꢂꢪ꣄ꢨꢶꢬꢾ ꢒꢵꢬꢸꢪ꣄ ꢡꢸꢖ꣄ꢒꣁ ꢨꣁꢭ꣄ꢭꢶ ꢌꢬ꣄ꢒꢵꢜꢸꢒ꣄ ꢙꢵꢡ꣄ꢒꣁ ꢪꢾꢥꢶ ꢲꢜ꣄ꢮꢶꢬꢶꢱ꣄ … ꢙꢷꢭꢶ ꢂꢮꢾ ꢦꢱ꣄ꢭꣁ ꢡꢸꢖ꣄ꢒꣁ ꢱꢾꢠꢪ꣄ꢒꢥ꣄ ꢒꢵꢪ꣄ ꢪꢸꢱꢞꢶ ꢤꢞ꣄ꢞꢸꢱ꣄… ꢦꢥꢶ ꢕꢭ꣄ꢭꢶ ꢪꢸꢱꢳ꣄ꢳꢸꢮꣂ ꣎
ꢲꢬꢶ : ꢒꢵꢫ꣄ꢬꢾ .. ꢧꢷꢬ꣄ ꢦꢥꢶ ꢮꢡ꣄ꢡꣁ ꢡꢸꢒ꣄ꢒꢶꢡ꣄ꢡꢶꢫꢵ ꣎
ꢱꣃꢥ꣄ꢣꢬ꣄ : ꢪ꣄… ꢦꢥꢶ ꢕꢭ꣄ꢭꢡ꣄ꢒꣁ ꢪꢾꢥꢾꢡꢶ … ꢃꢖ꣄ꢔꢸ ꢤꢸꢮꢡ꣄ꢒꣁ ꢪꢾꢥꢶ ꢂꢬ꣄ꢡꢸ..
ꢲꢬꢶ : ꢂꢪꢶ ꢣꢸꢱ꣄ꢬ ꢂꢬ꣄ꢡ꣄ꢡꢹꢱ꣄ ꢒꢾꢡ꣄ꢡꢶꢫꢵ .. ꢡꢾꢒꢲꢵꢭ꣄ ꢦꢥꢶ ꢕꢭ꣄ꢭꢡ꣄ꢡꢾ ꢮꢜ꣄ꢒꢿꢱ꣄ ꢥꢴꢷ ꢪꢾꢥꢶ ꢪꢾꢥꢫ꣄ꢫꣁ …
ꢱꣃꢥ꣄ꢣꢬ꣄ : (ꢂꢱꢶꢭꢿꢡ꣄) ꢪ꣄..ꢪ꣄..ꢪ꣄.. ꢂꢪ꣄ꢪꢵ .. ꢌꢥꢸ ꢃꢖ꣄ꢔꢸ ꢤꢸꢮꢡ꣄ꢒꣁ ꢣꢷ ꢨꢳ꣄ꢳꢵꢪ꣄ ꢦꢥꢶ ꢩꣁꢮ꣄ꢬꢶ ꢣꢿ…
ꢪꢵꢫ꣄ : [ꢨꢾꢜꢶ ꢙꣂꢳ꣄] ꢒꣂꢥꢒ꣄ ꢯꢿꢮꢵ? ꢂꢪ꣄ꢨꢶꢬꢾ ꢮꢡ꣄ꢡꣁ ꢒꢳꢵꢥꢵꢡ꣄ꢡ ꢲꢵꢭꢷꢱ꣄ ꢦꢥꢶ ꢕꢭ꣄ꢭꢡ꣄ꢒꣁ ꢮꢜ꣄ꢒꢾ ꢥꢴꢷ ꢪꢾꢥ꣄ꢬꢴꢶꢫꢵꢡ꣄ꢡꢾ … ꢂꢡ꣄ꢡꣁ ꢤꢾꢬꣂꢱ꣄ꢒꢶꢥꢵ !
ꢨꢾꢜ꣄ꢒꢶ : ꢙꢵꢪ꣄ꢪꢵ … [ꢒꣁꢛ꣄ꢗꢶꢡ ꢦꣁꢞꢱ꣄]
ꢱꣃꢥ꣄ꢣꢬ꣄ : ꢲꣁꢬꢵꢜꢸ ꢮꢡ꣄ꢡꣁ ꢂꢱ꣄ꢒꢶ ꢒꢾꢬ꣄ꢭꢶ ꢪꢸꢙ꣄ꢙꢶꢱ꣄ … ꢲꣁꢫꢾꢡꢶꢥ꣄ꢥꢸ ꢲꣁꢬꢵꢜ꣄ ꢒꢾꢬ꣄ꢭꢡ꣄ꢡꢾꢖ꣄ꢒꣁ ꢪꣁꢥ꣄ꢥꢸ ꢤꢾꢬꢾꢡꢷꢱ꣄ꢥꢵ (ꢨꢾꢜ꣄ꢒꢶ ꢣꢾꢒ꣄ꢒꢞꢶ) ꢌꢥꣂꢱ꣄ … ꢪꣁꢬ꣄ … ꢨꢾꢫ꣄ꢥ꣄ ꢱꢸꢔꢸꢠꢵ … ꢡꢸꢖ꣄ꢒꣁ ꢤꢾꢬꣂꢱ꣄ꢒꢶꢥꢵ?
ꢲꢬꢶ : ꢥꣁꢮ꣄ꢬꢶ ꢌꢥꣂꢱꢵ? ꢪꢾꢫ꣄ ꢥꢴꢥ꣄ꢣꢵ ꢪꢾꢥꢶ ꢒꣂꢥ꣄ꢒꢷꢱ꣄ ꢩꢬꢵꢜ꣄ ꢙꢷꢬꢵꢱ꣄ ꢪꢾꢥꢵꢱꢶ …
ꢱꢸꢔꢸꢠꢵ : ꢥꢴꢥ꣄ꢣꢵ … ꢡꣁꢒꣂꢱ꣄ ꢩꢬꢵꢜ꣄ ꢙꢷꢬꢶꢱ꣄ ꢪꢾꢥꢶ ꢪꢷ ꢱꢖ꣄ꢔꢶꢡ꣄ꢡꢾ ꣎
ꢱꣃꢥ꣄ꢣꢬ꣄ : ꢥꢱ꣄ꢡꢶꢒꢵꢳ꣄ꢳꢸ … ꢍꢜ꣄ ꢎꢒꣁ .. ꢱꢾꢖ꣄ꢒꣁ ꢆꢙꢾ ꢣꢣꢵꢒꢸ ꢍꢜ꣄ ꢥꢴꢥ꣄ꢣꢵ ꢪꢾꢥꢶ ꢨꣁꢮꢥ꣄ … ꢪꣁꢒꣂꢱ꣄ ꢩꢬꢵꢜ꣄ ꢙꢷꢬꢶꢱ꣄ ꢪꢾꢥꢶ ꢱꢖ꣄ꢔꢶꢬꢵꢡ꣄ꢡꢾ ꣎
ꢲꢬꢶ : ꢪꢾꢒ꣄ ꢒꢵꢫ꣄ ꢨꢵ … ꢨꢾꢜ꣄ꢒꢶ ꢱꢵꢡ꣄ꢡꢾ ꢪꢾꢥꢶ ꢧꢷꢬ꣄ ꢏꢠ꣄ꢜꢾ ꢮꢵꢳ꣄ ꢄꢡ꣄ꢒꣂ ꢣꢹꢬ꣄ ꢮꢿꢱ꣄ ꢒꢾꢭ꣄ꢭꢶ ꢂꢮꢡ꣄ꢡꢒ꣄ ꢪꢸꢱꢸꢥꢵ … ꢡꢸꢥ꣄ꢣꢾ ꢨꣂ ꢏꢠ꣄ꢜꢿ ꢮꢿꢱꢸꢪ꣄ ꢣꢷ ꢒꢵꢪ꣄ ꢲꣁꢮꢳ꣄ꢳꢸꢥꣁ ꢪꢾꢥꢶ ꢲꢮ꣄ꢜꢶꢬꢴꢵꢥ꣄ ꢱꣁꢒꢥ꣄ ꢯꢿ… ꢨꢾꢜ꣄ꢒꢶ ꢏꢦ꣄ꢦꢵꢬꢱ꣄ꢱꢷ ꢥꢴꢷ ꢪꢾꢥꢶ ꢍꢜꢹꢱ꣄ ꢱꢖ꣄ꢔꢶꢡ꣄ꢡꢾ…
ꢏꢦ꣄ꢦꢵꢬꢥꢶ ꢪꢾꢥꢾꢡ꣄ ꢒꣁꢥ꣄ꢥꢶ ꢔꢾꢳꣁ ꢲꢾꢜ꣄ꢜꢸꢒꢸꢥꢵꢥ꣄…ꢡꢾꢒꢸꢗ꣄ꢗꢶ ꢔꢵꢪꢸ ꢙꢷ ꢒꢳ꣄ꢙꢪ꣄ ꢭꢶꢒ꣄ꢒꢸꢱꢹ…ꢏꢠ꣄ꢜꢾ ꢪꢴꢞꣁ ꢡꢳꢶ ꢱꢖ꣄ꢔꢸꢱꢸ … ꢪꢾꢥꢶ ꢆꢜ꣄ꢗꢡ꣄ꢡ ꢒꢵꢪꢱ꣄ꢒꢶ ꢪꣁꢒꣁ ꢏꢦ꣄ꢦꢵꢥꢵ … ꢡꣁꢬꢾ ꢪꣁꢥ꣄ꢥꢸꢪ꣄ ꢭꢔꢬꢫꢾ ꢱꢖ꣄ꢔꢶꢡ꣄ꢡꢾ …
ꢬꢵꢪ꣄ : [ꢱꣃꢥ꣄ꢣꢬꢸꢒ꣄ ꢱꢷ] ꢩꢮꢵ ꢪꣁꢒꣁ ꢨꢾꢜ꣄ꢒꢶ ꢤꢾꢬ꣄ꢙꣁ …ꢍꢜꢸ ꢮꢡ꣄ꢡꣁꢫꢷ ꢤꢾꢬ꣄ꢙꣁ ꣎
ꢪꢸꢱꢾꢱ꣄
Leave a Reply
You must be logged in to post a comment.