ꢣꢷ ꢔꢵꢪ꣄ ꢤꢶꢒ꣄ꢒꢬꢿꢱ꣄ – ꣓

ꢬꢵꢪ꣄ : ꢣꢣꣁ ꢨꢪ꣄ꢨꢵꢫꢶꢒ꣄ ꢙꢷꢬꢾꢱ꣄ ꢪꢾꢥꢶ ꢪꢾꢥ꣄ꢡꢶꢒꢶ….. ꢂꢮꢾ ꢒꢵꢪ꣄ ꢲꣂꢥꢵꢡ꣄ꢡꢒ꣄ ꢙꢿꢞꢶꢫꢥꢵ …. ꢂꢖ꣄ꢔꢸꢠ꣄ꢜꢵꢳ꣄ ꢂꢮ꣄ꢥꣁ ꢦꣁꢞꢱ꣄ꢱꢷ ꢒꢵꢫ꣄ꢒꢷ?                             

ꢲꢬꢶ : ꢡꣁꢬꢾ ꢱꢾꢖ꣄ꢒꢵ ꢭꢮ꣄ꢒꢵꢱꢸꢥ꣄ ꢏꢠ꣄ꢜꢵꢳꢸꢪ꣄ ꢪꢸꢱꢡ꣄ꢡ ꢥꢴꢷ ꢪꢾꢥꢡ꣄ꢡꢫꢾ ꢡꢷ ꢒꢳꢫꢾꢫꢿꢱ꣄ꢥꢵ …. [ꢨꢾꢜ꣄ꢒꢶꢒ꣄ ꢪꢵꢫ꣄ ꢩꢶꢡ꣄ꢡꢬ꣄ ꢬꢴꢷ ꢂꢮꢱ꣄]

ꢪꢵꢫ꣄ :ꢂꢮꣁ…ꢂꢮꣁ ….  ꢂꢮꣂ … ꢂꢡ꣄ꢡꣂꢱ꣄ ꢂꢮꢵꢡ꣄ꢡꢾꢒ꣄ꢫꢵ?

ꢲꢬꢶ : ꢲꢵꢫ꣄… ꢲꢵꢫ꣄..

ꢪꢵꢫ꣄ :  ꢡꢸꢖ꣄ꢒꣁ  ꢂꢮꢡ꣄ꢡꢾ  ꢦꢥꢶ  ꢕꢭ꣄ꢭꢸꢮꣁ  ꢪꢾꢥꢶ ꢂꢪ꣄ ꢨꢾꢜ꣄ꢒꣁ ꢱꢖ꣄ꢔꢾꢱ꣄ … ꢍꢬ꣄ꢒꢵꢞꢸꢒ꣄ ꢙꢵꢡ꣄ꢡꢒ꣄ ꢪꢾꢥꢵ ..

ꢬꢵꢪ꣄ : ꢍꢬ꣄ꢒꢵꢞꢸꢒꢵ?  ꢂꢪꢶ ꢲꢶꢥ꣄ꢣꣂꢱ꣄ ꢔꢵꢪꢸꢒ꣄ ꢙꢥꣁ ꣎

ꢪꢵꢫ꣄ :  ꢲꢶꢥ꣄ꢣꣁ ꢌꢬ꣄ꢒꢵꢞꢸꢒ꣄ ꢨꣁꢭ꣄ꢙꢷ ꢣꢾꢒ꣄ꢒꢳ꣄ꢳꢶꢥꢸ ꢱꣁꢥ꣄ꢣ꣄ꢬꣁꢒꢹꢱ꣄ ꢡꢸꢖ꣄ꢒꣁ ꢔꢵꢪꢸꢒ꣄ ꢤꢞ꣄ꢞꢡ꣄ꢡꢾ ꢪꢾꢥꢶ ꢨꢾꢜ꣄ꢒꣁ ꢪꢾꢥꢾꢱ꣄… ꢦꢥꢶ ꢕꢭ꣄ꢭꢡ꣄ꢒꣁ … ꢂꢮꣁ …

ꢲꢬꢶ : ꢬꢵꢪ꣄ꢒꢸꢪꢵꢬꢸ …. ꢂꢪꢶ ꢂꢥ꣄ꢣꢾ ꢔꢵꢪ꣄ꢪꢸ  … ꢂꢥ꣄ꢣꢾ ꢦꢳꢵꢪꢹꢱ꣄ ꢦꢥꢶ ꢄꢥꢶ ꢦꢿꢥꢵꢡ꣄ꢡꢾ ꢗꣁꢒ꣄ꢒꢜ꣄ ꢦꢶꢭ꣄ꢭꢭ꣄ ꢪꢾꢥꢶ ꢥꢵꢮ꣄ ꢓꢞ꣄ꢬꢵꢱꢶ ..  ꢍꢜ꣄ ꢒꣂꢥꢬꢵ ꢦꢿꢡ꣄ꢡꢾ?

ꢬꢵꢪ꣄ : ꢒꢵꢫ꣄ ꢱꢖ꣄ꢔꢾꢥ꣄?

ꢲꢬꢶ : ꢱꢖ꣄ꢔꢡ꣄ꢡ ꢒꢵꢫ꣄? ꢪꢷ ꢱꢖ꣄ꢔꢸꢱꢸ…..….ꢨꢾꢫ꣄ ꢂꢪ꣄ꢒꣁ ꢦꢥꢶ ꢕꢭ꣄ꢭꢶ ꢮꢜ꣄ꢒꢾ ꢥꢴꢷ !  ꢂꢪꢶ ꢂꢮ꣄ꢥꢵꢥ꣄ ꣎

ꢪꢵꢫ꣄ : ꢦꢥꢶ ꢕꢭ꣄ꢭꢶ ꢮꢜ꣄ꢒꢾ ꢥꢴꢷ ꢫꢵ? ꢱꢾꢬ꣄ꢒ꣄ꢒꣂꢱ꣄ .. ꢪꢾꢫ꣄ ꢆꢒ꣄ꢒꢸꢞꢸꢪ꣄ ꢓꢵꢡ꣄ꢡ꣄ꢒꣁ ꢂꢮꣂ ꣎

ꢲꢬꢶ : ꢆꢒ꣄ꢒꢸꢞꢸꢪꢵ? ꢂꢪꢶ ꢓꢵꢥꢵꢥ꣄…

ꢬꢵꢪ꣄ : ꢒꢵꢫ꣄ ꢬꢵ?

ꢲꢬꢶ : ꢆꢥ꣄ꢥꢵꢡ꣄ꢡꢒ꣄ ꢬꢴꢵ ꢂꢮ꣄ꢬꢫꢾ ꢥꣁꢮ꣄ꢮ ꢔꢵꢪꢸ … ꢡꢾꢥꢸ ꢒꣂꢥꢫꢶ ꢥꣁꢮ꣄ꢮ ꢧꢭꢵꢬꢸ ꢥꢵꢮ꣄ ꢱꢖ꣄ꢔꢬꢵꢱꢶ … ꢓꢫ꣄ꢡꢶ ꢦꣂꢜ꣄ ꢥꢙ꣄ꢙꢾꢡ꣄ ꢨꢵꢣꣁ….

ꢪꢵꢫ꣄ : ꢆꢒ꣄ꢒꢸꢞꢸꢪ꣄ ꢓꢵꢥꢵꢥ꣄ꢒ꣄ꢫꢵ? ꢪꢾꢒꢶ ꢒꢵꢫ꣄ꢡꢷ ꢓꢵꢥ꣄?

ꢲꢬꢶ : ꢮꢶꢳ꣄ꢜꢶꢫꣁ ꢲꣁꢫꢾꢡ꣄ ꢓꢮ꣄ꢮꢾ ꣎           

ꢪꢵꢫ꣄ : ꢡꢶꢱ꣄ꢒꢥꢶ ꢪꢾꢥꢾꢡ꣄ ꢪꣁꢒ꣄ ꢒꢵꢳꢵꢬꢶꢥ꣄… ꢨꢾꢜ꣄ꢒꣁ ꢂꢮꣂꢥ꣄ꢣꢒ꣄ … ꢒꢵꢦ꣄ꢦꢶꢡꢷ ꢦꢿꢥ꣄ꢒ꣄ꢫꢵ? ꢡ꣄ꢫꢿ ꢦꢿꢥꢵꢡ꣄ꢡꢒ꣄ ꢬꢴꢵꢥ꣄ ꢪꢸꢱꢸꢥꢵ….

                       (ꢩꢶꢡ꣄ꢡꢬ꣄ ꢙꢵꢱ꣄)

ꢲꢬꢶ : ꢒꢵꢫ꣄ꢬꢿ … ꢮꢶꢳ꣄ꢜꢶꢫꣁ ꢪꢾꢥꢾꢡ꣄ ꢌꢖ꣄ꢒꣁ ꢒꢳꢵꢬꢥꢶ …

ꢪꢵꢫ꣄ : ꢏꢮ꣄  ꢦꢶꢭ꣄ꢭꢵ  … ꢌꢥꢸ ꢒꣂꢥ꣄  ꢪꢾꢥꢶ ꢒꢳꢵꢬꢶꢱ꣄ꢒ꣄ꢫꢵ? ꢒꢸꢪ꣄ꢨꣂꢠꢸꢪ꣄    …. ꢡꣁꢒꣁ  ꢦꢸꢱꢵꢱ꣄ꢒꢶꢥꢵ … ꢡꢾꢥꢹꢱ꣄  … ꢔꣂꢬꢒꢥ꣄ ꢨꢶꢱꢶꢬꢾꢡ꣄ ꢡꢾꢥꣂꢱ꣄ ꢥꣁꢒꢸꢬꣁ …

ꢨꢾꢜ꣄ꢒꢶ : ꢂꢪ꣄ꢪꢵ  … ꢪꣁꢒꣁ ꢲꣁꢬꢵꢜ꣄ ꢥꣁꢒ꣄ꢒꣁ…  ꢪꢷ ꢒꣀꢫ꣄ꢫꢶ ꢌꢒꣁ ꢲꣁꢬꢵꢜ꣄ ꢒꢾꢭ꣄ꢭꢸꢥꢵ..

ꢪꢵꢫ꣄ :  ꢒꢒꢮꢵ? ꢂꢥ꣄ꢣꢸꢱ꣄ ꢥꢴꢷꢒꢷ?  ꢲꢥ꣄ꢥꢮ꣄ ꢥꢴꢷꢒꢷ? ꢂꢪ꣄ꢨꢶꢬꢾ ꢱꣂꢬꢸ ꢱꣁꢡ꣄ꢡꢸꢥ꣄ ꢯꢿꢡ꣄ꢡꢾꢮꢵ…

ꢂꢖ꣄ꢔꢸꢥ꣄ ꢂꢮꢫ꣄….…