ꢣꢷ ꢔꢵꢪ꣄ ꢤꢶꢒ꣄ꢒꢬꢿꢱ꣄ – ꣒

ꢬꢵꢪ꣄ :  ꢬꢿꢫ꣄…… ꢬꢿꢫ꣄…. ꢡꢿꢜ꣄ ꢙꢷ ꢡꢹ ꢏꢠ꣄ꢜꢾ ꢥꢴꢷꢡ꣄ꢡꢾ ꢏꢠ꣄ꢜꢾ ꢪꢾꢥ꣄ꢡꢸꢖ꣄ꢔꣂ ꣎ ꢂꢪꢶ ꢙꢵꢬꢾ ꢒꢵꢪ꣄ ꢲꣁꢮꢳ꣄ꢳꢸꢥꣁ ….. ꢡꢶꢔꢸꢗ꣄ꢗꢬ꣄ ꢨꢾꢜ꣄ꢒꢶꢒ꣄ ꢪꢾꢳ꣄ꢳꣁ ꢱꢷꢡꢶ ꢂꢮ꣄ꢥꣁ …. ꢒꢳꢵꢬꢱ꣄ꢱꢷ !

ꢲꢬꢶ : ꢱꢾꢬ꣄ꢒ꣄ꢒꢱ꣄ ꢨꢵ …. ꢍꢭꢵ ꢂꢮ꣄ꢞꢶꢫꣁ ꢨꢵ ‘ꢱꢶꢖ꣄ꢒ ꢪꢾꢡ꣄ꢡꣀ’.. ꢗꢵꢭ꣄ ꢗꢵꢭ꣄ ꣎

ꢬꢵꢪ꣄ :  ꢪ꣄.. ꢬꢿꢠꢸꢒꢵ ꢱꢵꢬꢷꢱ꣄ ꢪꢴꣁꢜ꣄ꢜꢒꢥ꣄ ꢭꢶꢒ꣄ꢒꢶꢬꢵꢱ꣄ …. ꢒꢮꢵꢜ꣄ ꢚꣀꢡꢶꢬꢵꢱꢶ …

ꢲꢬꢶ :  ꢡꢾꢜ꣄ꢜꢶꢡꢶꢫꢾꢥꢸ …. ꢣꢣꢵ…… ꢣꢣꢵ…. ꢣꢣꢵ…. ꢨꣀꢫꢷ (ꢒꢮꢵꢜ꣄ ꢡꢾꢜ꣄ꢜꢱ꣄) (ꢩꢶꢡ꣄ꢡꢬ꣄ ꢬꢴꢷ) ꢒꣂꢥ꣄ ꢡ꣄ꢫꢾ ? ꢒꢮꢵꢜ꣄ ꢔꢸꢣ꣄ꢣꢶꢭꢿꢡ꣄?

ꢲꢬꢶ : ꢒꢵꢫ꣄ꢬꢾ ꢌꢭ꣄ꢭꢾ? ꢂꢮꢡ꣄ꢡꢾ ꢮꢿꢳꣁ ꢬꢴꢷ ꢄꢱꢵ ꢩꢮꢵꢜ꣄ ꢡꣀꢭꢿꢡ꣄ ꢂꢮꢬꢵꢱꢶ….

{ꢒꢮꢵꢜ꣄ ꢲꢸꢞꢶ}

ꢨꢾꢜ꣄ꢒꢶ :ꢡꢸꢪꢶꢶ ꢒꣁꢖ꣄ꢒꣂꢒ꣄ ꢱꢥꣁ?

ꢬꢵꢪ꣄ :  ꢂꢪꢶ ꢒꢸꢪ꣄ꢪꣂꢠ꣄ ꢬꢴꢷ……..

ꢨꢾꢜ꣄ꢒꢶ : ꢂꢮꣁ ꢩꢮꢵ ….ꢨꢶꢱ꣄ꢡꢬ꣄  ꢂꢮꣁ…

ꢬꢵꢪ꣄ :  (ꢲꢳ꣄ꢳꢸꢒꢥ꣄)  ꢲꢬꢶ…..ꢌꢥꣂꢱ꣄ ꢨꢾꢜ꣄ꢒꢶ ꢩꢾꢫꢶꢥ꣄ ꢱꣁꢒꢥ꣄ ꢯꢿ ꣎ ꢪꣁꢒꣁ ‘ꢩꢮꢵ’ ꢪꢾꢥꢶ ꢨꣁꢮꢬꢶꢱ꣄…

ꢲꢬꢶ :  ꢲꢵꢫ꣄,ꢲꢵꢫ꣄,ꢡꢶꢱꣂꢱ꣄ ꢭꢔꢱ꣄…

ꢨꢾꢜ꣄ꢒꢶ :  ꢨꢶꢱꣁ ꢩꢮꢵ …. ꢣꢵꢬꢸ  ꢆꢛ꣄ꢗꣁ  ꢕꢵꢜ꣄ ꢢꣁꢮ꣄ꢬ꣄ꢫꢵꢱ꣄ …. ꢡ꣄ꢫꢿ ꢱꣁꢞ꣄ꢞꢶ  ꢒꢮꢵꢜ꣄ ꢔꢸꢣ꣄ꢣꢬꢵꢱ꣄ꢥꢵ? … ꢡꢸꢪꢶ ꢒꢷ, ꢨꢶꢱꣁ ꢩꢮꢵ…

ꢲꢬꢶ :  ꢕꢵꢜ꣄ ꢲꣁꢣꢾꢱꢵ?  ꢂꢪꢶ ꢱꢶꢫꢵꢥꢶ…. (ꢲꢳ꣄ꢳꢸꢒꢥ꣄) ꢒꢵꢫ꣄ꢬꢵ… ꢪꣁꢒꢒ꣄ꢒꢶ ꢩꢮꢵ ꢪꢾꢥꢬꢶꢱꢶ ꣎

ꢬꢵꢪ꣄ : ꢂꢪꢶ ꢣꢷ ꢡꢾꢪꣁ ꢒꣂꢥ꣄ ꢥꣁꢮ꣄ꢬꣁ ꢪꢾꢥꢶ ꢒꢳꢵꢥꢵꢡ꣄ꢡꢾ ꢲꢵꢭ꣄ ꢣꢷ ꢡꢾꢖ꣄ꢒꣁ ꢩꢮꢵ ꢪꢾꢥ꣄ꢡꢬꢴꢵꢫ꣄ ꢱꣁꢒꢥ꣄ ꢯꢿ ꣎

                                            (ꢨꢾꢜ꣄ꢒꢶꢒ꣄ ꢱꢷ)

ꢬꢵꢪ꣄ : ꢂꢪꢶ ꢡꢸꢪ꣄ꢬꢾ ꢣꢣꢵꢒ꣄ ꢱꢥꣁ …

ꢨꢾꢜ꣄ꢒꢶ : ꢂꢪ꣄ꢨꢶꢬꢾ ꢣꢵ ꢨꣁꢪ꣄ꢨꢵꢫꢶꢒ꣄ ꢙꢷꢬꢶꢱ꣄… ꢦꣁꢬꢖ꣄ꢔꢸ ꢂꢮꢥ꣄….

ꢬꢵꢪ꣄ : ꢨꢪ꣄ꢨꢵꢫꢶꢒꢵ ! ꢂꢪ꣄ꢒꣁ ꢲꢶꢥ꣄ꢣꣁ ꢂꢮꢾꢡꢶ ꢒꢵꢪ꣄ ꢲꣁꢮꢳ꣄ꢳꢶ ꢙꢿꢞꢸꢮꢵꢫ꣄ ꢪꢾꢥꢶ ꢒꢳ꣄ꢙꢪ꣄ ꢭꢶꢒ꣄ꢒꢵꢱꢶ !

ꢨꢾꢜ꣄ꢒꢶ : ꢡꢶꢱ꣄ꢒꢥꢶ ꢲꣁꢫꢾꢡ꣄ ꢂꢪ꣄ꢨꢶꢬꢾ ꢥꢴꢥ꣄ꢣꢵ ꢩꢬꢵꢜ꣄ ꢙꢷꢬꢶꢱ꣄ .. ꢂꢮꣂꢥ꣄ꢣꢒ꣄ … ꢂꢪ꣄ꢪꢵ …. ꢍꢜꢵꢮ꣄ꢒ꣄ꢫꢵ  …ꢍꢱꢵ….  ꢒꢸꢪ꣄ꢨꣂꢠ꣄ ꢬꢴꢷ ꢒꣁꢥ꣄ꢒꢷꢱ꣄ ꢂꢮ꣄ꢬ꣄ꢫꢵꢱ꣄ …. [ꢩꢶꢡ꣄ꢡꢬ꣄ ꢙꢵꢱ꣄]

ꢲꢬꢶ :  ꢬꢿꢫ꣄ …. ꢨꢾꢜ꣄ꢒꢶ ꢥꢵꢮ꣄ ꢥꢥ꣄ꢣꢵ ꢱꣁꢒꢥ꣄ ꢯꢿ …. ꢩꢬꢵꢜ꣄ ꢙꢷꢬꢶꢱ꣄ ꢪꢾꢥꢵ …. ꢂꢮꢥ꣄ꢣꢒ꣄ ꣎

ꢬꢵꢪ꣄ :  ꢍꢜ꣄ ꢪꣁꢒꣁ ꢪꢴꣁꢜ꣄ꢜ ꢮꢶꢗꢵꢬ꣄ ꢂꢮꢶ ꢭꢫ꣄ꢞꢶꢬꢾꢱ꣄ ꣎

ꢲꢬꢶ : ꢒꢵꢫꢶ ?

ꢂꢖ꣄ꢔꢸꢥ꣄ ꢂꢮꢫ꣄….…