ꢗꢶꢡ꣄ꢡ ꢡꢶꢥ꣄ꢥꢵꢳ꣄ ꢱꢡ꣄ꢮꣁ ꢣꢶꢥ꣄ꢥꢸ ꣎
ꢦꣁꢮ꣄ꢱ꣄ ꢦꣁꢮ꣄ꢱ꣄ ꢦꣁꢮ꣄ꢱ꣄ ! ꢱꣁꢳꣁꢧꢵꢬ꣄ ꢮ꣄ꢫꢵꢬ꣄ ꢕꢾꢠ꣄ꢜꢵꢒ꣄ ꢲꢬꢸꢪ꣄ꢨꢪ꣄ ꢲꣁꢫꢾ ꢲꢸꢥꢳꢵ ꢦꣁꢮ꣄ꢱ꣄ ꢬꢵꢡ꣄ ꢣꢾꢱ꣄ꢱꢸ ꢕ꣄ꢬ꣄ꢠ꣄ꢜꣁ ꢭꢾꢥ꣄ꢡꢸ ꢱꢸꢜ꣄ꢜꢸꢥꢵꢡ꣄ꢡꣁ ꢦꣁꢞꢾꢱ꣄ | ꢂꢪ꣄ꢪꣁꢒꢶꢥ꣄ ꢂꢫ꣄ꢫꣁ ꢱꣁꢳꣁꢧꢵꢬ꣄ ꢦꣁꢮ꣄ꢱꢸ ꢪꢸꢭ꣄ꢭꢵꢪ꣄ ꢥꢴꢥ꣄ꢬꢢꢸꢪ꣄ ꢃꢬꣂꢲꢠꢪ꣄ ꢒꢾꢬ꣄ꢭꢶ ꢗꢬꢸ ꢤꣃꢬꣁ ꢗꢸꢜ꣄ꢜꢹꢬ꣄ ꢯꢿꢡ꣄ꢡꢾ ꢗꢬꢹ ꢮꢷꢡꢸꢥꢸꢪ꣄ ꢏꢬꢵꢡꢮꢶ ꢩꢒ꣄ꢡꢸꢥꢸꢒ꣄ ꢒꢵꢒ꣄ꢰꢶ ꢣꢶꢫꢵꢱ꣄ |
ꢮꢷꢳ꣄ꢜꣁ ꢦꣁꢮ꣄ꢱ꣄ ꢦꣁꢞ꣄ꢭꢿꢡ꣄ ꢲꣁꢣꢾ ꢭꢾꢥ꣄ꢡꣁ ꢣꢿꢮ꣄ ꢏꢬꢵꢡ꣄ ꢂꢮꢡ꣄ꢡ ꢪꢸꢱꢾꢥꢶ | ꢲꣁꢫꢾꢡꢶ ꢂꢪꢶ ꢤꣃꢬꣁ ꢩꢶꢡ꣄ꢡꢬ꣄ ꢦ꣄ꢬꢮꢿꢱ꣄ ꢒꢾꢬꢶꢥ꣄ ꢣꢿꢮꢸ ꢣꢬ꣄ꢱꢥꣁ ꢓꢳ꣄ꢳꢶꢫꢵꢱꢶ | ꢤꣃꢬꣁ ꢩꢶꢡ꣄ꢡꢬꢸꢱ꣄ ꢣꢿꢮ꣄ ꢥꢴꢥ꣄ ꢏꢬꢵꢡ꣄ ꢂꢮꢾꢱꢶ |
ꢒꢳꢪꢿꢕꢸꢥ꣄ ꢱꣁꢥ꣄ꢡꣂꢰ꣄ꢒꢥꢶ ꢮꢬ꣄ꢰꢶꢭꢿꢡ꣄ ꢔꢬ꣄ꢙꢥꣁ ꢣꢶꢭꢿꢡ꣄ ꢬꢴꢡꣁ ꢥꢥ꣄ꢣꢶꢒꢿꢯ꣄ꢮꢬ ꢮꢲꢥꢵꢪ꣄ ꢂꢪ꣄ꢪꣁꢒꢶꢥ꣄ ꢂꢫ꣄ꢫꣁ ꢨꢶꢱꢶꢭꢶ ꢂꢪ꣄ꢒꣁ ꢂꢱ꣄ꢒꢶ ꢦꢬꢶꢦꢵꢭꢥꣁ ꢒꢾꢬ꣄ꢭꢿꢡ꣄ ꢂꢮ꣄ꢫꢵꢱꢶ | ꢪꢷꢥꢵꢒ꣄ꢰꢶ ꢂꢪ꣄ꢨꢵꢒ꣄ ꢱꢵꢡ꣄ꢡꢒ꣄ ꢱꢱꢬꢒ꣄ꢰꢶ ꢬꢴꢶꢫꢾꢡ꣄ ꢪꢾꢳ꣄ꢳꢶ ꢧꢸꢬ꣄ꢥꢵ ꣎ ꢪꢴꢳꢶꢣꣁꢳꢶ ꢪꢵꢫꢶꢒ꣄ ꢱꢶꢭꢿꢡ꣄ ꢬꢴꢥꣁ ꢪꢾꢥꢶ ꢭꢔꢱ꣄ ꣎ ꢃꢲꢵ ꢒꢵꢫ꣄ ꢱꢶꢖ꣄ꢔꢵꢬ꣄ ꢒꢾꢳꢵꢧꢹꢭꢸ (ꢪꢥꣂꢬꢛ꣄ꢙꢶꢡ ꢦꢹ) ꢲꢵꢬꢸꢥ꣄ ꢕꢭ꣄ꢭꢶ ꢭꣂꢒ ꢪꢲꢶꢰꢶ ꢮ꣄ꢫꢵꢭ ꢮꢵꢲꢥꢵꢪ꣄ ꢃꢬꣂꢲꢠꢪ꣄ ꢒꢾꢬ꣄ꢭꢶ (ꢫꢵꢳꢶ ꢮꢵꢔꢥꢪ꣄) ꢔꢵꢪ꣄ ꢱꢶꢳ꣄ꢳꣁ ꢲꣂꢡ꣄ꢡꢶꢱꣁ ꢦꣁꢮ꣄ꢱ꣄ ꢣꢶꢭꢿꢡ꣄ ꢙꢥꢱꢪꢸꢣ꣄ꢬꢸꢒꢥ꣄ ꢲꣁꢣꢿ ꢤꣃꢬꣁ ꢩꢶꢡ꣄ꢡꢬꢸꢪ꣄ ꢏꢬꢵꢡ꣄ ꢂꢮ꣄ꢫꢵꢱꢶ |
ꢂꢪ꣄ꢨꣁ ꢩꢾꢳꢶ ꢱꣁꢥ꣄ꢡꣂꢰ꣄ ꢲꣁꢫ꣄ꢫꢶꢬꢶꢱ꣄ ꢡꢾꢒ ꢭꢾꢖ꣄ꢒꢵꢭꢸꢱ꣄ ꢦꣁꢮ꣄ꢱ꣄ ꢦꣁꢞꢬꢶꢫꣁ ꢪꢾꢥꢶ ꢏꢒ꣄ꢒꣁꢒ꣄ꢒꣁ ꢙꢥꢸꢥ꣄ ꢪꢾꢥ꣄ꢭꢿꢡ꣄ ꢲꣁꢣ꣄ꢫꢵꢱ꣄ | ( ꢮꢷꢳ꣄ꢜꣁ ꢦꣁꢮ꣄ꢱ꣄ ꢦꣁꢞ꣄ꢭꢿꢡ꣄ ꢲꣁꢣꢾ ꢲꢵꢭꢶꢪ꣄ ꢪꢵꢱꢶ ꢮꢷꢡꢸꢥꢸꢪ꣄ ꢣꢿꢮ꣄ ꢏꢬꢵꢡ꣄ ꢂꢮ꣄ꢬꢶꢫꣁ ꢥꢴꢷ ꣎ ꢤꣃꢬꣁ ꢩꢶꢡ꣄ꢡꢬꢸꢱ꣄ ꢬꢴꢷ ꢂꢱ꣄ꢒꢶꢥ꣄ ꢣꢬ꣄ꢱꢥꣁ ꢒꢾꢬ꣄ꢬꢶꢫꣁ)
Leave a Reply
You must be logged in to post a comment.