ꢗꢒꢶ – ꢭꢕꢸ ꢱꣃꢬꢵꢰ꣄ꢜ꣄ꢬ ꢩꢵꢰꢵꢪ꣄

ꢌꢭ꣄ꢫꣁ ꢭꢿꢪꢸ ꢒꢵꢫꢶ ꢒꢾꢬꢡ꣄ ꢬꢴꢷꢱꢶ ? ꢡꢾꢥꣁ ꢣꢾꢳ꣄ꢳꢿꢡꢸ ꢬꢴꢷꢱꢶ ꣎ ꢒꢶꢱꣁ ꢣꢾꢳꢡꢸ ꢬꢴꢷꢱꢶ ? ꢡꢥ꣄ꢣꢸ ꢗꢒꢶꢪ꣄ꢡꢒꢶ ꢗꢒꢶꢨꢾꢳꣁ ꢧꢶꢬ꣄ꢮꢱꢸ ꣎ ꢗꢔꢶ ꢣꢷ ꢨꢾꢳꢵꢥ꣄ ꢲꣁꢫꢶꢥꢸ ꢬꢴꢵꢡ꣄ꢡꢾꢪꢾꢥꢶ ꢱꢣꢵꢙꢥꢸꢭꢸꢥꣁ ꣎ ꢏꢠ꣄ꢜꣁꢠ꣄ꢜꣁ ꢨꢾꢳꣁ ꢗꢾꢒ꣄ꢒꢸꢬꢸ ꢱꣁꢒꣁ ꢆꢳ꣄ꢞ ꢬꢴꢵꢱꢸ ꣎

ꢌꢭ꣄ꢭꢾ ꢨꢾꢫ꣄ꢭ꣄ꢪꢾꢥꢶ ꢒꢵꢫ꣄ ꢒꢾꢬꢬꢶꢱꢶ ? ꢡꢾꢥꣁ ꢣꢾꢳ꣄ꢳꢿꢡꢸ ꢯꢿ ꣎ ꢒꣁꢥꣁꢒꢸ ꢣꢾꢳꢬꢷꢱꢶ ? ꢡꢥ꣄ꢣꢸ ꢗꢒꢶꢪ꣄ ꢡꢒꢶ ꢗꢒꢶꢨꢾꢳꣁ ꢧꢶꢮ꣄ꢬꢬꢷꢱꢶ ꣎ ꢗꢒꢶ ꢣꢷ ꢨꢾꢳꢵꢥ꣄ ꢲꣁꢫꢶ ꢬꢴꢵꢫ꣄ ꣎ ꢏꢠ꣄ꢜꢠ꣄ꢜꣁ ꢨꢾꢳꣁ ꢗꢾꢒ꣄ꢒꢸꢬꢸ ꢱꣁꢒꢥ꣄ ꢇꢳ꣄ꢞ ꢬꢴꢵꢫ꣄ ꣎

ꢍ ꢣꢾꢔꢸꢞꢵꢒꢾ ꢲꣁꢭ꣄ꢭꢵ ꢨꢾꢳꣁ ꢏꢒꢿꢱꢶ ꢧꢶꢬꢡ꣄ꢡꢾ ꢓꢭ꣄ꢭꢵ ꢨꢾꢭꣁ ꢧꢶꢬ꣄ꢥ ꣎ ꢲꣁꢭ꣄ꢭꢵ ꢣꢾꢔꢸꢞꢵꢪ꣄ ꢏꢠ꣄ꢜꣁ ꢓꢸꢜꣁ ꢔꢞꢶꢥ꣄ ꢬꢴꢵꢡ꣄ꢡꢾ ꣎ ꢡ꣄ꢫꣂ ꢙꢾꢔꢸꢥꢲꢵꢡꢸꢪ꣄ ꢓꢸꢜꣁ ꢤꢾꢬꢶꢭꢶ ꢧꢶꢬꢸꢮꢡ꣄ꢡꢾ ꣎ ꢲꣁꢭ꣄ꢭꢵ ꢣꢾꢔꢸꢞꢵ ꢪꢴꣁꢙꢵꢬꢸ ꢏꢠ꣄ꢜꣁ ꢓꣂꢭ꣄ ꢱꢿ ꣎ ꢡ꣄ꢫꣂ ꢓꣂꢭꢸꢮꢵꢜ꣄ꢜꣁꢒꢥꢸ ꢡꢥ꣄ꢣꢸꢡꢔꢡ꣄ꢡꢾ ꣎ ꢡꢥ꣄ꢣꢸꢥ꣄ ꢣꢷ ꢨꢾꢳꢵ ꢪꢴꣁꢣ꣄ꢣꢶ ꢱꢪ꣄ꢜꢶꢭꢶꢥ꣄ ꢩꢶꢬꢸꢞꣀꢭꢶꢥꢸ ꢦꢷꢝꣂꢱꢶ ꣎ ꢣꢾꢳ꣄ꢜ ꢣꢾꢳ꣄ꢜ ꢦꢷꢜꢸ ꢩꢬꢵꢞꢮꢫꢶ ꣎ ꢌꢭ꣄ꢫꣁ ꢓꣁꢨ꣄ꢩꢶꢒꢸ ꢲꢸꢙꢵꢳ꣄ ꢲꣁꢫꢶ ꢬꢴꢵꢱꢸ ꣎ ꢄꢜꢬꢸ ꢱꢿꢡ꣄ꢡꢾꢱꢷꢭꢸꢮꣁ ꣎

ꢍ ꢣꢾꢫ꣄ꢞꢵꢒꢾ ꢲꣁꢭ꣄ꢭꢵ ꢨꢾꢳꣁ ꢪꣁꢜ꣄ꢜꢸꢪꢸ ꢧꢶꢬꣀ ꣎ ꢓꢭ꣄ꢭꢵ ꢨꢾꢭꣁ ꢧꢶꢬ꣄ꢥ ꣎ ꢲꣁꢭ꣄ꢭꢵ ꢣꢾꢫ꣄ꢞꢵꢪ꣄ ꢏꢠ꣄ꢜꣁ ꢒꢸꢜꣁ ꢔꢞꢶ ꢯꢿ ꣎ ꢡꢾꢭ꣄ꢭꢾ ꢙꢾꢔꢸꢥ ꢲꢵꢡꢸꢪ꣄ ꢓꢸꢜꣁ ꢤꢾꢬ꣄ꢭꢶ ꢧꢶꢮ꣄ꢬꢸꢥꣁ ꣎ ꢲꣁꢭ꣄ꢭꢵ ꢣꢾꢔꢸꢞꢵ ꢪꢴꢙꢵꢬꢸ ꢏꢠ꣄ꢜꣁ ꢓꣁꢭ꣄ ꢯꢿ ꣎ ꢡꢾꢭ꣄ꢭ ꢓꣁꢭꢸꢮꢵꢜꢸꢪ꣄ ꢡꢥ꣄ꢣꢸ ꢡꢔꢸꢥꣁ ꣎ ꢡꢥ꣄ꢣꢸ ꢣꢷ ꢨꢾꢭꢵ ꢪꢴꢣ꣄ꢣꢶ ꢱꢪ꣄ꢞꢶꢭꢶꢥ꣄ ꢩꢶꢬꢸꢞꣀꢭꢶꢥꢸ ꢦꢷꢜ꣄ ꢲꣂꢫꢶ ꣎ ꢣꢾꢳ꣄ꢜ ꢣꢾꢳ꣄ꢜ ꢦꢷꢜꢸ ꢩꢬꢵꢞ꣄ ꢂꢮꣀ ꣎ ꢌꢭ꣄ꢭꢾ ꢓꣁꢨ꣄ꢩꢶꢒꢸ ꢲꢸꢙꢵꢭ꣄ ꢲꣁꢫꢶ ꢬꢴꢵꢫ꣄ ꣎ ꢄꢜꢬꢸ ꢱꢿꢡ꣄ꢡꢾ ꢱꢷꢭꢸꢮꣁ ꣎

ꢡꢥ꣄ꢣꢸ ꢦꢷꢜꢶꢮ꣄ꢳꢶꢥꢸ ꢥꢾꢔꢸꢭꣁ ꢲꢥ꣄ꢣꢡ꣄ꢡꢾ ꣎ ꢥꢾꢔ꣄ꢔꢸꢥ꣄ ꢬꢸꢗ꣄ꢗꢶ ꢬꢴꢵꢫꢶ ꣎ ꢍ ꢓꢵꢫꢾꢡꢶ ꢡꢶꢰ꣄ꢜꢶꢬꢸ ꢃꢖ꣄ꢔꢸ ꢨꣁꢭꢪ꣄ ꢒꢾꢬꢫꢶ ꣎ ꢌꢪꣁ ꢡꢥ꣄ꢣꢸ ꢪꣃꢡ꣄ꢬꢪ꣄ ꢣꢾꢳꢵꢡ꣄ꢡꢾ ꢥꢴꢵ ꣎ ꢒꢾꢥ꣄ꢥꢸꢥꢱ꣄ꢒꢶ ꢗꢒꢶꢪ꣄ꢣꢾꢳ꣄ꢮꢵꢫꢶ ꣎ ꢬꢴꢔꢶ ꢣꢾꢳ꣄ꢮꢵꢫꢶ ꣎ ꢕꣁꢪꢸ , ꢢꣂꢬꢸ , ꢆꢞꢶꢡꢸꢧꣀꢭꢵꢡꢶ ꢒꢾꢥ꣄ꢥꢸꢥ꣄ ꢪꢾꢳꢵꢡꢸꢥ꣄ ꢣꢾꢳꢸꢮꢵꢫꢶ ꣎

ꢡꢥ꣄ꢣꢸ ꢦꢷꢜꢸꢪ꣄ ꢥꢾꢔꢸꢭꣁ ꢲꢥ꣄ꢣꢸꢮꢵꢫ꣄ ꣎ ꢥꢾꢔ꣄ꢔꢸꢥ꣄ ꢬꢸꢗ꣄ꢗꢶ ꢬꢴꢵꢫꢶ ꣎ ꢍ ꢓꢫꢾꢡꢶ ꢡꢶꢰ꣄ꢜꢶꢬꢸ ꢃꢖ꣄ꢔꢸ ꢨꣁꢭꢪ꣄ ꢒꢾꢬꣀ ꣎ ꢌꢪꣁ ꢡꢥ꣄ꢣꢸ ꢪꢵꢡ꣄ꢬꢪ꣄ ꢣꢾꢭꢵꢡ꣄ꢡꢾ ꢥꢴꢵ ꣎ ꢒꢾꢥ꣄ꢥꢸꢥ꣄ ꢂꢱ꣄ꢒꢶ ꢗꢒꢶꢪ꣄ ꢣꢾꢭꢸꢮꢵꢫꢶ ꣎ ꢬꢴꢔꢶ ꢣꢾꢳꢸꢮꢵꢫꢶ ꣎ ꢕꣁꢪꢸ , ꢢꣁꢬꢸ, ꢆꢞꢶꢡꢸ ꢧꣀꢭꢵꢡꢶ ꢒꢾꢥ꣄ꢥꢸꢥ꣄ ꢪꢾꢳꢵꢡꢸꢥ꣄ ꢣꢾꢳꢸꢮꢵꢫꢶ ꣎

ꢗꢒꢶꢒꢸ ꢨꣁꢣꢸꢭ꣄ ꢲꢹꢠ ꢣꢿꢱꢶꢡꣁꢒ꣄ꢒꢶꢥꢶ ꢂꢪꢾꢬꢶꢒ꣄ꢒꢣꢿꢱꢶꢪ꣄ꢬꢴꢷꢥꢸ ꢥꢵꢥꢵ ꢬꢷꢡꢶꢥꢿꢳꢸꢥ꣄ ꢑꢬꢣꢿꢱꢶꢥꢸꢒꢸ ꢭꢿꢡꢥ꣄ꢞꢶꢥꢸ ꢒꢵꢪꢸꢥ꣄ ꢗꢭꢡ꣄ ꢬꢴꢷꢫꢾꢱꢶ ꣎ ꢒꢦꢸꢱꢸꢥꢿꢭꢸ , ꢮꢶꢥꢡ꣄ꢡꢶꢱꢵꢥꢿꢭꢸ , ꢒꢠꢡ꣄ꢡꢾ ꢥꢿꢭꢸ , ꢅꢬꢸ ꢥꢿꢭꢸ , ꢣꢾꢳꢡ꣄ꢡꢾꢥꢿꢭꢸ , ꢦꢶꢛ꣄ꢙꢡ꣄ꢡꢾꢥꢿꢭꢸ , ꢒꣁꢨ꣄ꢨꢸ ꢥꢿꢭꢸ , ꢥꢶꢪ꣄ꢦꢡ꣄ꢡꢾꢥꢿꢭꢸ , ꢥꢶꢨꢡ꣄ꢡꢾꢥꢿꢭꢸ , ꢧꣀꢭꢵꢡꢶꢥ꣄ ꢱꢿꢪꢾꢥꢶ ꢙꢥꢶꢭꢶꢥ꣄ ꢱꢾꢫ꣄ꢭꢸꢮꢵꢫꢶ ꣎

ꢗꢒꢶꢒꢸ ꢨꣁꢣꢸꢭ꣄ ꢲꢹꢠ ꢣꢿꢱ꣄ ꢂꢪꢾꢬꢶꢒ꣄ꢒꢣꢿꢱꢶꢪ꣄ ꢬꢴꢷꢒꢶꢥ꣄ ꢥꢵꢥꢵ ꢬꢷꢡꢶ ꢥꢿꢳꢸꢥ꣄ ꢑꢬ ꢣꢿꢱꢸꢪꢸ ꢓꢳ꣄ꢳꢶ ꢂꢮꢶꢒꢶꢥ꣄ ꢒꢵꢪꢸꢥ꣄ ꢗꢭ꣄ꢡ ꢒꢾꢬꢬꢵꢱꢶ ꣎ ꢒꢦꢸꢱꢸ ꢥꢿꢭꢸ , ꢮꢶꢥꢡ꣄ꢡꢶꢱꢵ ꢥꢿꢭꢸ, ꢒꢠꢡ꣄ꢡꢾ ꢥꢿꢭꢸ , ꢅꢬꢸ ꢥꢿꢭꢸ , ꢣꢾꢭꢡ꣄ꢡꢾ ꢥꢿꢭꢸ , ꢦꢶꢛ꣄ꢙꢡ꣄ꢡꢾ ꢥꢿꢭꢸ , ꢒꣁꢨ꣄ꢨꢸ ꢥꢿꢭꢸ, ꢥꢶꢪ꣄ꢦꢡ꣄ꢡꢾ ꢥꢿꢭꢸ, ꢥꢶꢨꢡ꣄ꢡꢾ ꢥꢿꢭꢸ ꢧꣀꢭꢵꢡꢶꢥ꣄ ꢯꢿꢪꢾꢥꢶ ꢒꢭꢭ꣄ꢭꢸꢮꢵꢫ꣄ ꣎