ꢂꢪꢶ ꢥꢴꢥ꣄ꢥ ꢬꢴꢵꢡꢾꢮꢿꢳ꣄ ꢕꣁꢪ꣄ꢪꢵꢥꢸꢪ꣄ ꢗꢾꢮ꣄ꢣꢡ꣄ꢡꢒ꣄ ꢚꢸꢒ꣄ꢒꢸ ꢓꢾꢥꢶ ꢦꢸꢱ꣄ꢡꢮꢸꢥ꣄ ꢬꢴꢵꢫ꣄ ꣎ ꢡꢾꢭ꣄ꢭ ꢒꢭꢪꢸ ꢜꢷ ꢮꢷ , ꢱꢾꢭ꣄ꢧꣂꢥ꣄ ꢪꢾꢥꢶ ꢒꣁꢥ꣄ꢥꢶ ꢲꣁꢡꢶꢬꢶꢫꣁ ꢥꢴꢷ ꣎ ꢗꢾꢮ꣄ꢣꢾꢡ꣄ꢡ ꢙꢡꣁ ꢱꢶꢖ꣄ꢔꢡꢶꢥ꣄ ꢱꢾꢖ꣄ꢔꢵꢞꢶ ꢙꢷ ꢓꢳꢡ꣄ꢡꢾ , ꢬꢿꢞꢶꢫꣁꢪ꣄ ꢔꢷꢡ꣄ ꢎꢒꢾꢡ꣄ꢡꢾ , ꢓꢾꢥꢶ ꢦꢸꢱ꣄ꢡꢮꢸꢥ꣄ ꢗꢾꢮ꣄ꢣꢡ꣄ꢡꢾ ꢪꢾꢥꢶ ꢣꢶꢥ꣄ꢥꢸ ꢔꢪ꣄ꢞꢶꢭꢿꢡ꣄ ꢬꢴꢷꢫꢾꢫꣁ ꣎
ꢡꢶꢱꢥꢶ ꢗꢾꢮꢣꢾ ꢓꢾꢥꢶ ꢦꢸꢱ꣄ꢡꢮꢸꢥꢸꢪ꣄ ꢂꢪ꣄ꢨꢸꢭꢶ ꢪꢵꢪꢵ , ꢔꣁꢒꢸꢭꢪ꣄ ꢂꢱ꣄ꢒꢶ ꢚꢸꢒ꣄ꢒꢸ ꢦ꣄ꢬꢨꢭ꣄ꢫꢪ꣄ꢒꢥ꣄ ꢲꣁꢡꢾꢫꣁ ꣎ ꢂꢪ꣄ꢨꢸꢭꢶ ꢪꢵꢪꢵꢪ꣄ ꢮꢶꢒ꣄ꢬꢪ꣄ ꢨꢿꢣꢵꢳ꣄ , ꢦꢥ꣄ꢗꢡꢥ꣄ꢡ꣄ꢬ ꢓꢾꢥꢶꢥ꣄ ꢗꢾꢮ꣄ꢣꢡ꣄ꢡꢒ꣄ ꢚꢸꢒ꣄ꢒꢸ ꢗꣁꢒ꣄ꢒꢜ꣄ ꢭꢔꢫ꣄ ꣎
ꢡꢾꢭ꣄ꢭꢿ ꢦꢥ꣄ꢗꢡꢥ꣄ꢡ꣄ꢬ ꢓꢾꢥꢶꢥ꣄ ꢮꢶꢰ꣄ꢠꢸ ꢯꢬ꣄ꢪꢵ ꢪꢾꢥꢬꢶꢫꣁ ꢡꢾꢥꢸ ꢱꢪ꣄ꢱ꣄ꢒꢺꢡ꣄ ꢩꢵꢰꢵꢪ꣄ ꢪꢸꢣꢸꢭ꣄ꢭꣁ ꢭꢶꢒ꣄ꢒꢶ ꢲꣁꢡꢾꢫꣁ ꣎ ꢡꢾꢭ꣄ꢭꢾ ꢓꢾꢥꢶꢥ꣄ ꢂꢮ꣄ꢬꢾ ꢱꣃꢬꢵꢰ꣄ꢜ꣄ꢬꢵ ꢩꢵꢰꢵꢪ꣄ ꢒꣁꢠ꣄ꢞꢵ ꢱꢾꢥ꣄ꢣꢶꢭ꣄ꢒꢸꢪꢵꢬ꣄ ꢂꢥꢸꢮꢵꢣ꣄ ꢒꢾꢬ꣄ꢬꢶꢫꢵꢱꢶ ꣎ ꢡꢾꢭ꣄ꢭꢾ ꢦꢥ꣄ꢗꢡꢥ꣄ꢡ꣄ꢬ ꢓꢾꢥꢶꢥ꣄ ꢪꢾꢥꢾꢡ꣄ꢡꢾ ꢥꢵꢮꢸꢪ꣄ ꢂꢮ꣄ꢬꢾ ꢏꢭꢱ꣄ꢢꢵꢥꢸꢪ꣄ ꢂꢮꢥ꣄ꢙꢵꢬꢶꢫꣁ ꢪꢾꢥꢶꢒꢶꢥ꣄ ꢱꢖ꣄ꢔꢸꢭꢬꢶꢫꣁ ꣎
ꢗꢾꢮ꣄ꢣꢶ ꢱꢷꢒꢶꢥ꣄ ꢱꣁꢪ꣄ꢦꢸ ꢦꣁꢥ꣄ꢣꢸꢭꢸꢮꣂ ꣎
ꢕꣁꢪ꣄ꢪꢵꢥꢸꢥ꣄–> ꢕꣁꢪ꣄ꢪꢵꢥꢸꢪ꣄
ꢓꢭꢡ꣄ꢡꢾ –> ꢓꢳꢡ꣄ꢡꢾ
ꢙꢷꢒꢶꢥ꣄ –> ꢙꢷ
ꢪꢾꢥꢶꢒꢶꢥ꣄ — ꢪꢾꢥꢶ (ꢒꢶꢥ꣄ ꢪꢾꢥꢡ꣄ꢡꢾ ꢂꢮꢱ꣄ꢫꢪ꣄ ꢥꢴꢷ)
ꢮꢶꢰ꣄ꢥꢸ — ꢮꢶꢰ꣄ꢠꢸ
ꢱꢪ꣄ꢱ꣄ꢒꢺꢡꢪ꣄ ꢩꢵꢰꢵꢪ꣄ –> ꢱꢪꢱ꣄ꢒꢺꢡ꣄ ꢩꢵꢰꢵꢪ꣄
ꢤꢥ꣄ꢥꢸ ꣎ ꢪꢥ꣄ꢡꢸꢥ꣄ ꢂꢱ꣄ꢒꢶ ꢱꢾꢬ꣄ꢒꣁ ꢒꢾꢬ꣄ꢡꢶꢬꢶꢫꣁ ꣎