ꢫꣂꢒ꣄ ꢂꢥꢥ꣄ꢡ ꢒꢵꢥ꣄ꢡꢵꢬꢸꢪ꣄ ꢱꢶꢪ꣄ꢲꢸ ꢏꢠ꣄ꢜꢾ ꢲꣁꢣꢾꢱꢶ ꣎ ꢡꢿ ꢡ꣄ꢫꢿ ꢒꢵꢥ꣄ꢡꢵꢬꢸꢪ꣄ ꢲꣁꢣꢾ ꢣꢸꢱ꣄ꢬꢾ ꢪꢹꢔꢸꢥꢸꢒꢱ꣄ꢒꢶ ꢲꢥꢶ ꢓꣀꢭꢶ ꢲꣁꢣꢾꢱ꣄ ꣎ ꢣꢶꢥ꣄ꢥꢸ ꢙꢡꢙꢡ ꢡꢾꢒ ꢆꢔ꣄ꢔꢸꢬ꣄ ꢮꢿꢥ꣄ ꢲꣁꢫꢾꢱ꣄ ꣎ ꢍ ꢱꢶꢪ꣄ꢲꢸ ꢒꢾꢬꢬꢶꢫꣁ ꢒꣁꢞꢹꢬꢪ꣄ ꢲꣁꢫꢾ ꢒꢵꢪ꣄ ꢱꢷꢡꢶ ꢣꢸꢱ ꢪꢹꢔꢸꢥꢱ꣄ꢒꢶ ꢫꣂꢒ꣄ꢒꢥ꣄ ꢪꢶꢳꢶ ꢡꢿ ꢱꢶꢪ꣄ꢲꢸ ꢙꣁꢮꢳ꣄ ꢙꢶꢫꢵꢱ꣄ ꣎
ꢲꣂ ꢪꢺꢔꢬꢙꢵ ! ꢍ ꢬꢵꢠꢸꢪ꣄ ꢯꢿꢡꢿ ꢪꢹꢔꢸꢥꢸꢒ꣄ꢒꢱ꣄ꢒꢶ ꢂꢨ꣄ꢨꢾꢤꢵꢥꢸ ꢪꢬꢥ꣄ ꢥꣁꢒ꣄ꢒꣁ ꣎ ꢡꢸꢪꢶ ꢄꢱꣂꢱ꣄ ꢒꢾꢬ꣄ꢭꢿꢡ꣄ ꢙꢶꢫꢾꢡ꣄ ꢱꢾꢥꢪ꣄ ꢍ ꢬꢵꢠꢸꢪ꣄ ꢪꢹꢔꢸꢥꢸꢱ꣄ ꢬꢴꢵꢥꢵꢡ꣄ꢡ ꢙꢿꢞꣀ ꣎ ꢡꢾꢒꢲꢵꢭ꣄ ꢂꢪꢶ ꢏꢠ꣄ꢜꢾ ꢪꢾꢭ꣄ꢭꢶ ꢂꢮ꣄ꢬꢶꢫꣁ ꣎ ꢣꢶꢥ꣄ꢥꢸꢒ꣄ ꢏꢠ꣄ꢜꢾ ꢪꢹꢔꢸꢒꢥ꣄ ꢂꢪꢶꢒꢥꢸꢱ꣄ ꢡꢸꢬ꣄ꢙꣁꢮꢳ꣄ ꢂꢮ꣄ꢮꢾꢱ꣄ | ꢡꢸꢪꢶ ꢂꢪ꣄ꢒꣁ ꢓꢫꢶ ꢩꢹꢒ꣄ ꢙꢮꢳ꣄ꢳꢸꢮꢵꢫ꣄ ꢪꢾꢥꢶ ꢪꢹꢔꢸꢥ꣄ ꢪꢾꢥ꣄ꢡ… ꢱꢶꢪ꣄ꢲꢸ ꢱꢾꢬ꣄ꢒꢱ꣄ ꢪꢾꢥꢶ ꢩꢶꢳ꣄ꢳꢶꢫꢾꢱ꣄ ꣎ ꢡꢶꢱꣂꢱ꣄ ꢥꢶꢗ꣄ꢗꢸ ꢏꢠ꣄ꢜꢾ ꢪꢹꢔꢸꢥ꣄ꢒꢥꢹꢱ꣄ ꢱꢶꢪ꣄ꢲꢸ ꢙꣁꢮꢳ꣄ ꢙꢷ ꢱꢶꢪ꣄ꢲꢸꢒ꣄ ꢓꢥꢶꢒꢥ꣄ ꢲꣁꢫꢵꢱ꣄ ꣎
ꢏꢠ꣄꣄ꢜꢾꢣꢶ ꢓꢥꢶꢒꢥ꣄ ꢱꢱꣁ ꢙꢥꣁ ꢲꣂꢬꢶꢫꣁ ꢣꢶꢥ꣄ꢥꢸ ꢂꢮꢾꢱ꣄ ꣎ ꢂꢡ꣄ꢡꣁ ꢂꢮ꣄ꢬꢾ ꢲꢵꢭ꣄ ꢙꢷꢮ꣄ ꢱꢾꢥ꣄ꢡꣁ ꢬꢴꢵꢥ꣄ ꢪꢸꢱꢸꢥꢵ ꢱꣁꢥ꣄ꢱꢾ ꢪꢾꢥꢶ ꢪꣁꢥ꣄ꢥꢸꢪ꣄ ꢪꢾꢥ꣄ꢭꢶꢭꢿꢡ꣄ ꢏꢠ꣄ꢜꢾ ꢫꢡ꣄ꢡꢥ꣄ ꢒꢬꢶ ꢱꢶꢫꢾꢥ꣄ ꢌꢪꢵꢪ꣄ ꢂꢪꢶ ꢙꢶꢔꢾꢡ꣄ ꢂꢮ꣄ꢬꢾ ꢥꢵꢮ꣄ ꢭꢪ꣄ꢨꢸꢬꢸꢪ꣄ ꢬꢴꢵꢫ꣄ ꢪꢾꢥꢶ ꢪꢾꢥ꣄ꢡꢶ ꢙꢶꢫꢾꢱ꣄ ꣎ ꢱꢶꢪ꣄ꢲꢸ ꢙꣁꢮꢳ꣄ ꢓꢥꢶꢒꢥ꣄ ꢙꢵꢡ꣄ꢡꣁ ꢱꢱꣁ ꢡꢪꢱ꣄ ꢒꢾꢬ꣄ꢭꢶꢫꢾꢱ꣄ ꣎ ꢡꢿꢜ꣄ ꢱꢶꢪ꣄ꢲꢸꢒ꣄ ꢩꢹꢒ꣄ ꢱꢾꢥ꣄ꢡꣁ ꢬꢵꢒ꣄ ꢂꢮꢾꢱ꣄ ꣎ ꢧꢭ꣄ꢗꣁ ꢮꢿꢳꢸꢒ꣄ ꢂꢮ꣄ꢥꢵꢡ꣄ꢡ ꢡꢪꢱ꣄ ꢒꢾꢬ꣄ꢭꢶ ꢂꢮꢾ ꢱꢱꢵꢒ꣄ ꢱꢷ ꢱꢶꢪ꣄ꢲꢸ ꢲꢿ ꢱꢱꢵ ! ꢪꢴꣁꢜꣁ ꢪꢴꣁꢜꣁ ꢲꣀꢱ꣄ꢡꢸꢥꢱ꣄ꢒꢶ ꢪꣁꢒꣁ ꢤꢒ꣄ꢒꢶꢭꢶ ꢦꢹꢜꢸꢒ꣄ ꢱꢾꢬ꣄ꢒꣁꢒꢥ꣄ ꢂꢮꢾꢱ꣄ ꢡꢹ ꢒꢵꢫ꣄ꢬꢵ ꢪꢾꢥꢾꢡꢶ ꢄꢱꣁ ꢱꣃꢒꢵꢱ꣄ꢒꢥ꣄ ꢂꢮ꣄ꢬꢱꢶ ꢒꢵꢫ꣄ ꢤꢵꢒ꣄ ꢡꣁꢦ꣄ꢦꢶꢫꢶꢬꢶꢫꣁ ꢲꢵ ! ꢪꢾꢥꢶ ꢲꢸꢔꢾꢱ꣄ ꣎ ꢬꢵꢒ꣄ ꢥꣁꢒ꣄ꢒꣁ ꢪꢺꢔꢬꢙꢵ ! ꢡꢸꢪ꣄ꢬꢾ ꢩꢹꢒꢸ ꢕꢾꢠ꣄ꢜꢵꢒ꣄ ꢱꢾꢬ꣄ꢒꣁꢒꢥ꣄ ꢂꢮꢶ ꢗꢾꢬ꣄ꢥꣁ ꢪꢾꢥ꣄ꢡꢶꢱ꣄ ꢤꢪꢶ ꢂꢮ꣄ꢭꢿꢡ꣄ ꢲꣁꢣꢾꢫꣁ ꢲꣁꢫꢾꢡꢶ ꢂꢮꢥ꣄ ꢮꢵꢜꢸꢪ꣄ ꢡꢸꢪ꣄ꢬꢾ ꢱꣁꢒꢥꢸꢱ꣄ ꢏꢠ꣄ꢜꢾ ꢪꢴꣁꢜ꣄ꢜꣁ ꢱꢶꢪ꣄ꢲꢸꢒ꣄ ꢱꢷ ꢤꢒ꣄ꢒꢶꢭ꣄ꢞꢶꢫꣁ ꢪꢷ ꢒꣂꢜ꣄ ꢡꢾꢒ ꢣꣁꢳꢪ꣄ ꢦꣁꢞꢾꢡ꣄ ꢡꢾꢒ ꢓꢥꢶ ꢒꢥ꣄ ꢲꣁꢮꢫ꣄ꢫꢵꢫ꣄ ꢪꢾꢥꢶ ꢤꢒ꣄ꢒꢶꢭꢶ ꢏꢠ꣄ꢜꢾ ꢢꢵꢪ꣄ꢪꢸ ꢭꢸꢒ꣄ꢒꢶꢭꢶ ꢲꣁꢣꢾꢫꣁ ꢡꢾꢭ꣄ꢭꢾ ꢱꢶꢪ꣄ꢲꢸ ꢙꢶꢫꢾꢡ꣄ꢡꢾꢬ꣄ ꢪꢷ ꢍꢜ꣄ ꢂꢮꢾꢫꣁ ꢪꣁꢒꣁ ꢒ꣄ꢰꢪꣁ ꢒꢾꢬ꣄ꢭꢸꢮꣁ ꢪꢾꢥꢶ ꢱꢱꣁ ꢪꢾꢥ꣄ꢡꣁ….
ꢒꢵꢫꣁ ! ꢪꢷ ꢯꢿꢡꢿ ꢌꢭ꣄ꢭꢾ ꢬꢵꢠꢸꢪ꣄ ꢪꣁꢬ꣄ ꢱꣁꢒꢥꢸꢱ꣄ ꢂꢖ꣄ꢔꣁꢠ꣄ꢜꢾ ꢱꢶꢪ꣄ꢲꢸ ꢲꢵ ꢒꣁꢱꢾ ꢡꢾꢭ꣄ꢭꢾ ꢱꢶꢪ꣄ꢲꢸꢒ꣄ ꢪꣁꢒꣁ ꢣꢾꢒ꣄ꢒꢵꢞꢶ ꢪꢾꢥꢶ ꢪꢾꢥꢾꢱ꣄ ꢱꢶꢪ꣄ꢲꢸ ꣎ ꢒ꣄ꢰꢠ ꢕꢾꢜꢶꢪ꣄ ꢡꢾꢭ꣄ꢭꢾ ꢒꢵꢥ꣄ꢡꢵꢬꢸꢪ꣄ ꢯꢿꢡꢿ ꢏꢠ꣄ꢜꢾ ꢗꢾꢒ꣄ꢒꢸꢭ꣄ꢦꢥꢶꢒꢥ꣄ ꢯꢿꢡꢿ ꢪꢴꣁꢜ꣄ꢜꣁ ꢲꢷꢬ꣄ ꢣꢾꢒ꣄ꢒꢞꢾꢱ꣄ ꢱꢱꣁ ꢱꢶꢪ꣄ꢲꢸ ꢡꣁꢖ꣄ꢔꢶ ꢱꢶꢫꢾꢱ꣄ ꢡꢾꢒ ꢘꣀꢭꣁ ꢡꢡ꣄ꢬꢹꢦꢪ꣄ꢒꢥ꣄ ꢣꢾꢒ꣄ꢒꢫꢾꢱ꣄ ꢡꢾꢭ꣄ꢭꢾ ꢘꣀꢭꢵꢒ꣄ ꢣꢾꢒ꣄ꢒꢞꢶ ꢱꢮꣁ ꢱꢶꢪ꣄ꢲꢸ ꢡꢸꢪ꣄ꢬꢾ ꢱꣁꢒꢥꢸꢱ꣄ ꢏꢠ꣄ꢜꢾꢥꣁ ꢡꢿꢜ꣄ ꢯꢿꢡꢿ ꢪꢾꢥꢶ ꢪꢾꢥ꣄ꢥꢵꢡ꣄ꢡꢶꢡ꣄ꢒꢵꢪ꣄ ꢡꢾꢭ꣄ꢭꢾ ꢪꢴꢸꢞ ꢱꢶꢪ꣄ꢲꢸ ꢬꢵꢒ꣄ ꢂꢥ꣄ꢭꢶ ꢲꢷꢬꢸꢪ꣄ ꢤꢸꢪ꣄ꢒꢾꢱ꣄ ꣎ ꢲꢷꢬꢸꢪ꣄ ꢬꢴꢷ ꢩꢬꢵꢜ꣄ ꢂꢮꢥ꣄ ꢪꢸꢱꢸꢥꢵꢡ꣄ꢡꣁ ꢗꢾꢒ꣄ꢒꢸꢭꢸꢪ꣄꣄ ꢱꢪ꣄ꢜꢶ ꢪꣁꢬꢾꢱ꣄ ꢱꢶꢪ꣄ꢲꢸ ꣏
ꢡꢥ꣄ꢡꢸꢬ꣄ ꢗꢶꢥ꣄ꢡꢥꣁ ꢒꢾꢬꢾꢡ꣄ ꢒꢾꢰ꣄ꢜꢪꢸ ꢬꢴꢷ ꢩꢬꢵꢜꢮꢶ ꢙꢶꢔꢸꢮꢵꢫ꣄ ꢪꢾꢥꢱ꣄ꢡꢾꢒꢶꢥ꣄ ꢑꢱꢬꢸꢪ꣄ ꢬꢵꢒꢸꢪ꣄ ꢗꢶꢥ꣄ꢡꢥꣁ ꢒꢾꢬ꣄ꢥꢵꢱ꣄ꢡꣁ ꢒꢵꢪ꣄ ꢒꢬꢥ꣄ ꢲꣂꢥꢵ ꢪꢾꢥꢱ꣄ꢡꢾ ꢌꢭ꣄ꢭꢾ ꢓꢾꢥꢶ ꢏꢠ꣄ꢜꢾ ꢆꢣꢵꢬꢠꣁ ꣏
ꢂꢥꢥ꣄ꢡ – Endless
ꢒꢵꢥ꣄ꢡꢵꢬ꣄ – Great Forest
ꢱꢶꢪ꣄ꢲꢸ – Lion
ꢪꢹꢔꢸ – Animal
ꢱꢱꣁ – Rabbit
ꢫꢡ꣄ꢡꢥ꣄ – Effort
ꢙꢷꢔ꣄ – victory
ꢘꣀꢭꣁ – shade
ꢲꢷꢬ꣄ – well
ꢗꢾꢒ꣄ꢒꢸꢳ꣄ – mud
ꢱꣁꢥ꣄ꢱꢾ –> ꢱꣁꢒꢥ꣄ ꢯꢿ
ꢲꢸꢔꢾꢱ꣄ =
ꢣꣁꢳꢪ꣄ –> ꢣꣁꢳꢵꢪ꣄
ꢭꢸꢒ꣄ꢒꢶꢭꢶ = hide
ꢒ꣄ꢰꢪꣁ = pardon
ꢗꢾꢒ꣄ꢒꢸꢭ꣄ꢦꢥꢶꢒꢥ꣄ =
ꢒꢵꢫꣁ ! –> ꢒꢵꢫꣁ ?
ꢯꢿꢡꢿ –> ꢯꢿꢡ꣄ꢡꢾ
ꢂꢖ꣄ꢔꣁꢠ꣄ꢜꢾ –> ꢂꢖ꣄ꢔꢸꢠ꣄ꢜꢾ
ꢤꢸꢪ꣄ꢒꢾꢱ꣄ –> ꢣꢸꢖ꣄ꢒꢾꢱ꣄
ꢗꢾꢒ꣄ꢒꢸꢭ꣄ꢦꢥꢶꢪ꣄ ꢂꢮ꣄ꢬꢾ ꢡꣂꢠ꣄ ꢱꢾꢬ꣄ꢒꣁ ꢣꢾꢒ꣄ꢒꢵꢥꢵ ꣎
ꢦꢥꢶ ꢥꢶꢬ꣄ꢪꢭꢪ꣄ꢒꢥ꣄ ꢬꢴꢶꢫꢾꢡꢷꢱ꣄ ꢪꢸꢒ꣄ꢬꢵꢪ ꢂꢮ꣄ꢬꢾ ꢡꣂꢠ꣄ ꢱꢶꢫꢾ ꢱꣁꢒꢥ꣄ ꢣꢾꢒ꣄ꢒꢵꢫꢶ꣎