ꢡꣁꢦ꣄ꢦꢭ꣄ ꢡꢶꢥ꣄ꢥꢵꢳ꣄ ꢓꢾꢥꢶ – ꢩꢵꢔ꣄ ꣓

ꢲꢳ꣄ꢔꢾꢱꢵꢪ꣄: ( ꢬꢸꢮ꣄ꢮꣁ ꢯꢵꢥ꣄ꢡꢶ ꢒꢾꢬ꣄ꢭꢶ ) ꢡꢶꢥ꣄ꢥꢵꢳ꣄ ꢡꢾꢥ꣄ꢣꢹꢱ꣄ ꢪꣁꢬ꣄ ꢏꢳ꣄ꢞꢸ ꢱꣁꢱꢸꢬꢵ ꢨꢾꢞꢵꢒꢸ ꢱꢳꢵꢒ꣄ ꢕꣁꢪ꣄ꢪꣁ, ꢡꢾꢖ꣄ꢒ ꢣꢶꢮ ꢨꢾꢜꢶ ꢲꣁꢬꢵꢞꢸꢒ꣄ ꢙꢶ ꢲꣁꢡꢾꢫꣁ ꣎ ꢡꢿꢜ꣄ ꢂꢮ꣄ꢬꢶꢫꣁ ꢡꢾꢖ꣄ꢒ ꢱꢾꢬꣁ ꢮꢡ꣄ꢡ ꢒꢾꢬ꣄ꢡꢶ ꢨꣂꢠ꣄ꢞꢹꢬ꣄ ꢙꢶ ꢔꢸꢳ꣄ꢳꢾꢫꣁ ꢡꢶꢒ꣄ꢒꢾꢫꣁ ꢮꢷꢳ꣄ꢜꣁꢒꢶꢥ꣄ , ꢬꢵꢡꢶꢒ꣄ ꢂꢪ꣄ꢬꢾ ꢎꢜ꣄ꢜꢪ꣄ ꢂꢪ꣄ꢨꢜ꣄ꢩꢵꢡ꣄ ꢓꣀꢡꢶ ꢡꣁꢦ꣄ꢦꢭ꣄ ꢡꢶꢥ꣄ꢥꢵꢳ꣄ ꢱꢵꢡ꣄ꢡꢒ꣄ ꢥꢶꢔꢸꢳꢾꢫꣂ ꣎

ꢒꢸꢦ꣄ꢦꢸꢱꢵꢪ꣄: ( ꢪꣁꢥ꣄ꢥꢸꢪ꣄ ꢪꢾꢭ꣄ꢭꢬꢶꢫꣁ ) ꢙꢵꢬꢨ꣄ꢨꢵ , ꢐꢠ꣄ꢜꢾ ꢮꢵꢜ꣄ꢒꢥ꣄ ꢂꢮꢾꢫꣁ ꢙꢶꢫꢾꢫꣁ ꢓꢾꢥꢶꢥ꣄ ꢪꢸꢱꢜ꣄ꢜꢶ ꢡꢶꢥ꣄ꢥꢵꢳ꣄ ꢮꢶꢮꢬ꣄ꢥꢸ ꢱꢖ꣄ꢔꢡ꣄ꢡꢒ꣄ ꢲꢬꢸꢪ꣄ꢨꢪ꣄ ꢒꢾꢬ꣄ꢡꢬꢵꢱ꣄ ꣎

ꢲꢳ꣄ꢔꢾꢱꢵꢪ꣄: ꢂꢱꣂꢱ꣄ ꢡꢶꢥ꣄ꢥꢵꢳ꣄ ꢱꢶꢫꢾꢖ꣄ꢔꢾꢥ꣄ ꢪꢾꢥ꣄ꢡꢶ , ꢒꢸꢬꢶꢮꢶꢒꢵꢬꢥ꣄ ꢱꢵꢭꣀ ꢮꢵꢜ꣄ ꢂꢮꢶ ꢡꢶꢒꢶꢗ꣄ꢗꢬ꣄ ꢥꢾꢣ꣄ꢣꢶ ꢒꢾꢜ꣄ꢜꣁ ꢗꢾꢬ꣄ꢪꢵꢥ꣄ ꢯꢿꢡ꣄ꢡꢾ ꢬꣂꢞꢸꢪ꣄ ꢂꢮꢶ ꢂꢥ꣄ꢥꣀ ꢗꢥ꣄ꢣꢶꢬꢪꢡꢶ ꢒꢭ꣄ꢫꢵꢠ ꢪꢲꢵꢭ꣄ ꢱꢾꢥ꣄ꢣꢸꢪ꣄ ꢲꢸꢡ꣄ꢡꢶꢬꢶ ꢱ꣄ꢒꢹꢜ꣄ꢜꢬ꣄ ꢲꢶꢨ꣄ꢨꢶ ꢬꢴꢮꢞꢾꢫꣁ ꣎ ꢡꢿꢜ꣄ꢬꢴꢷ ꢡꢾꢦ꣄ꢦꢒꢸꢳꢪ꣄ ꢙꣁꢮꢭ꣄ ꢪꢸꢔꢵꢪ꣄ ꢥꢾꢱ꣄ꢒꢶꢭꢶ ꢦꢶꢱ꣄ꢒꢶꢭꢶ ꢙꢶ ꢱꢵꢡ꣄ꢡꢾꢮꢿꢳ꣄ ꢗꢾꢮꢬꢪ꣄ ꢥꢵꢫꢒꢶ ꢪꢥ꣄ꢣꢶꢬ꣄ ꢮꢾꢣꢹꢬ꣄ ꢂꢮ꣄ꢞ ꢲꣁꢡꢾꢱ꣄ ꣎

ꢒꢸꢦ꣄ꢦꢸꢱꢵꢪ꣄: ꢄꢱꢥꢶꢫꢵ ꢣꢵꢥꢸ, ꢱꢖ꣄ꢔꢸꢮꣂ , ꢱꢖ꣄ꢔꢸꢮꣂ ꣎

ꢲꢳ꣄ꢔꢾꢱꢵꢪ꣄: ꢲꢵꢫ꣄ , ꢲꢵꢫ꣄ ꣎ ꢆꢞꢾꢥꢾꢱ꣄ ꢦꣂꢭꢶꢱ꣄ ꢂꢱ꣄ꢒꢶꢡꢾꢖ꣄ꢒꣁ ꢏꢡ꣄ꢡꢶ ꢙꢮꣂ ꢪꢾꢥꢶ ꢣꢾꢮ꣄ꢞꢥ꣄ ꢥꢶꢒꢶꢳ꣄ꢞꢶꢫꢵ ꣎

ꢒꢸꢦ꣄ꢦꢸꢱꢵꢪ꣄: ꢡꢸꢪꢶ ꢗꣁꢮ꣄ꢬꢪ꣄ ꢆꢜ꣄ꢗ꣄ꢫꢵꢥꢶꢫꢵ ?

ꢲꢳ꣄ꢔꢾꢱꢵꢪ꣄: ꢱꢖ꣄ꢔꢶꢭꢿꢡ꣄ ꢂꢮ꣄ꢬꢶꢫꣂꢱ꣄ꢥ, ꢒꢔꣁ ꢂꢮ꣄ꢱꢬ꣄ ꢦꣁꢞꢬꢶꢫꣂ ?

ꢒꢸꢦ꣄ꢦꢸꢱꢵꢪ꣄: ꢱꢾꢬ꣄ꢒꢱ꣄ ꢱꢾꢬ꣄ꢒꢱ꣄ ꢣꢵꢥꢸ, ꢱꢖ꣄ꢔꢶꢭꢿꢡ꣄ ꢂꢮꣂ ꣎ ꢎꢒꢸꢭꢸꢱ꣄ ꣎

ꢲꢳ꣄ꢔꢾꢱꢵꢪ꣄: ꢒꢾꢜ꣄ꢜꢬ꣄ ꢬꢴꢷꢱ꣄ ꢗꢾꢮ꣄ꢬꢪ꣄ ꢆꢜ꣄ꢗꢡ꣄ꢡꢒ꣄ ꢪꢸꢱꣀ ꣎ ꢡꢾꢒꢲꢵꢭꢶ ꢪꣁꢬ ꢱꢲꢤꢬ꣄ꢪꢶꢥꢶ ꢱꢾꢬꣁ ꢬꣂꢞꢸꢒ꣄ ꢐꢬ꣄ꢡꣁ ꢂꢮꢶ ꢏꢠ꣄ꢜꢾ ꢣꢶꢥꢹꢱ꣄ꢒꢥ꣄ ꢒꢵꢪꢬꢵꢙꢬ꣄ ꢱꢵꢭꣀ  ꢂꢮꢶ ꢗꢾꢬꢶ ꢱꢾꢥ꣄ꢣꢸꢪ꣄ ꢂꢮꢶ ꢱꢶꢫꢡꢶ ꢱ꣄ꢒꢹꢜ꣄ꢜꢬ꣄ ꢣꢾꢒ꣄ꢒꢵꢥꢶ ꣎

ꢒꢸꢦ꣄ꢦꢸꢱꢵꢪ꣄: ꢎꢫꣂ , ꢲꣁꢭ꣄ꢭꢵꢡꢸ ?

ꢂꢖ꣄ꢔꢸꢥ꣄ ꢂꢮꣀ ………