ꢫꢡ꣄ꢡꢥ꣄ ꢦꢙꢾ(ꢥꢷꢡꢶꢯꢪ꣄ꢨꢸ ꢓꢾꢥꢶꢥ꣄)
ꢒꢱꢶꢦꢸꢬꢶ ꢪꢾꢥꢱ꣄ꢡꢾ ꢔꢵꢪ꣄ꢪꢸ ꢯ꣄ꢬꢷꢣꢿꢮ꣄, ꢬꢕꢸꢣꢿꢮ꣄ ꢪꢾꢥꢶ ꢣꢷ ꢣꢣꢩꣀꢫꢶꢥ꣄ ꢙꢶꢮ꣄ꢭꢶ ꢂꢮ꣄ꢫꢵꢱꢶ ꣎ ꢡꢾꢥꢸ ꢢꣁꢬꢵ ꢢꣂꢬ꣄ꢒꢥ꣄ ꢮꢶꢥꢶ ꢙꢶꢮꢬꢵꢡ꣄ꢡꢾꢥꢸ꣎ ꢡꢾꢖ꣄ꢒꣁ ꢂꢙ꣄ꢙꣁ, ꢂꢙ꣄ꢙꢶ ꢂꢖ꣄ꢔꢸꢥ꣄ ꢡꢾꢖ꣄ꢒ ꢪꢵꢫ꣄ ꢨꢵꢦ꣄ ꢂꢱ꣄ꢒꢶꢥ꣄ ꢪꢔꢵ ꢒꢵꢪ꣄ ꢒꢾꢬ꣄ꢭꢶ ꢂꢮ꣄ꢫꢵꢱ꣄ ꣎ ꢯ꣄ꢬꢷꢣꢿꢮ꣄ ꢪꢴꣁꢜ꣄ꢜꢵꢥ꣄ ꢱꢖ꣄ꢔꢾꢫꣁ ꢎꢒꢶꢭꢶ ꢗꣁꢒ꣄ꢒꢜ꣄ ꢤꢵꢥꢸ ꢒꢵꢪ꣄ ꢒꢾꢬ꣄ꢭꢶ ꢂꢮꢾꢱ꣄. ꢬꢕꢸꢣꢿꢮ꣄ ꢬꢸꢮ꣄ꢮ ꢪꢥ꣄ꢣꢨꢸꢣ꣄ꢣꢶ ꢱꢿꢡ꣄ꢡꢾꢥꣁ ꢒꣂꢥ꣄ ꢒꢵꢪ꣄ ꢲꣁꢫꢾꢡ꣄ ꢒꢵꢫ꣄ ꢒꢾꢬꢾꢥ꣄ ꢓꢞꢾꢥ꣄ ꢩꢔꢮꢵꢥ꣄ ꢮꢵꢜ꣄ ꢱꣁꢞꣀ ꢪꢾꢥꢶ ꢂꢭꢒ꣄ꢰ꣄ꢫꢪ꣄ ꢒꢥ꣄ ꢬꢴꢵꢫ꣄꣎ ꢯ꣄ꢬꢷꢣꢿꢮꢸꢒ꣄ꢒꢶꢥ꣄ ꢬꢕꢸꢡꢿꢮꢸꢒ꣄ ꢡꢾꢖ꣄ꢒ ꢪꢵꢫ꣄ꢨꢵꢦꢸꢥ꣄ ꢮꢿꢱꢸꢒ꣄ ꢣꣁꢱ꣄ꢒꢵꢒ꣄ ꢮꢷꢱ꣄ ꢱꣁꢥ꣄ꢥꣁ ꢲꢵꢡꢸꢪ꣄ ꢣꢷꢒꢶꢥ꣄ ꢔꢪ꣄ꢭꣁ ꢤꢞ꣄ꢞꢶꢫꢵꢱ꣄ ꣎ ꢯ꣄ꢬꢷ ꢒꢶꢥ꣄ ꢬꢕꢸ ꢬꢵꢙ꣄ꢦꢸꢬꢶꢒ꣄ ꢂꢮꢶ ꢒꢵꢪ꣄ ꢒꢾꢬꢥ꣄ ꢥꢶꢔꢶꢳ꣄ꢫꢵꢱ꣄ ꣎ ꢓꣁꢨ꣄ꢨꢶꢪ꣄ ꢱꣁꢒꢥ꣄ ꢯ꣄ꢬꢷ ꢣꢿꢮ꣄ ꢩꢔꢮꢵꢥꢸꢒ꣄ ꢥꢪꢶꢭꢶ ꢫꢡ꣄ꢡꢥ꣄ ꢱꢾꢥ꣄ꢡꣁ ꢒꢵꢪꢸꢥ꣄ ꢒꢾꢬꢾꢱ꣄ ꢣꢿꢮꢸ ꢒ꣄ꢬꢸꢦꢵꢪ꣄ ꢗꣁꢒ꣄ꢒꢜ꣄ ꢙꣁꢞꢸꢪ꣄ꢦꢸꢭ꣄ ꢒꢾꢬꢶ ꢱꢱꢬ꣄ ꢱꣁꢥ꣄ꢥꣁ ꢪꣁꢳ꣄ꢜꢶ ꢩꢥ꣄ꢣꢶ ꢢꣁꢮ꣄ꢭꢶꢫꢾꢱ꣄ ꣎ ꢬꢕꢸꢣꢿꢮ꣄ ꢩꢔꢮꢵꢥ꣄ ꢮꢵꢜ꣄ ꢱꣁꢞꣀ ꢪꢾꢥꢶ ꢲꢜ꣄ꢮꢶꢭꢿꢡ꣄ ꢒꣀ ꢫꢡ꣄ꢡꢥ꣄ ꢒꢾꢬ꣄ꢥꢵꢡ꣄ꢡꣁ ꢔꣂꢬꢴꢷ ꢲꢵꢡꢸꢪ꣄ ꢲꣁꢣꢾ ꢮꢷꢱ꣄ ꢱꣁꢥ꣄ꢥꣁ ꢪꢾꢳ꣄ꢳꢶ ꢣꢶꢮ꣄ꢙꢜ꣄ꢜꢶꢫꣁ ꣎ ꢧꢭ꣄ꢭꣁ ꢯ꣄ꢬꢷ ꢒꢶꢥ꣄ ꢬꢕꢸ ꢒꢱꢶꢦꢸꢬꢶꢒ꣄ ꢧꢶꢬꢶ ꢂꢮ꣄ꢫꢵꢱ꣄ ꣎ ꢯ꣄ꢬꢷꢣꢿꢮ꣄ ꢙꣁꢞꢸꢛ꣄ꢗꢾ ꢱꢱꢬ꣄ ꢱꣁꢥ꣄ꢥꣁ ꢒꢶꢥ꣄ ꢮꢿꢱ꣄ ꢙꢡꣁ ꢆꢬꢵꢮ꣄ ꢲꣁꢣꢾ ꢣꢾꢱ꣄ ꢱꣁꢥ꣄ꢥꣁ ꢪꢵꢫ꣄ꢨꢵꢦꢸꢥꢸ ꢲꢵꢡꢸꢪ꣄ ꢣꢷꢒꢶꢥ꣄ ꢥꢪꢶꢭꢶꢫꢾꢱ꣄ ꣎ ꢬꢕꢸꢣꢿꢮ꣄ ꢒꣀ ꢫꢡ꣄ꢡꢥ꣄ ꢒꢾꢬ꣄ꢥꢵꢡ꣄ꢡ ꢲꢵꢡꢸꢪ꣄ ꢱꣁꢥ꣄ꢥꣁ ꢥꢴꢷꢡ꣄ꢡ ꢕꢿꢬꢮꢾꢱ꣄. ꢧꢭ꣄ꢗꣁ ꢬꢕꢸꢒ꣄ ꢨꣁꢮꢶ ꢥꢴꢥ꣄ꢥ ꢮꢡ꣄ꢡꢵꢪ꣄ ꢡꢾꢖ꣄ꢒ ꢂꢙ꣄ꢙꣁ ꢆꢦꢣꢿꢱ꣄ ꢒꢾꢬ꣄ꢫꢵꢱ꣄ ꣎
ꢣꣀꢮꢡ꣄ꢡꢥꣁꢠ꣄ꢜꢫꣂꢱ꣄ ꢧꢸꢬ꣄ꢥ
ꢪꢾꢥꢶꢒ꣄ ꢫꢡ꣄ꢡꢥ꣄ ꢪꢶꢳꢶꢥ꣄ ꢲꣁꢥꣁ ꣎
ꢣꢶꢫ꣄ꢫꣁ ꢪꢶꢳ꣄ꢥꢵꢡ꣄ꢡꣁ ꢒꢵꢪꢱ꣄ꢒꣁ
ꢲꣂꢥ ꢒꣀ ꢦꢹꢬ꣄ꢡꢶ ꢱꢡ꣄ꢡꢪ ꣏
- ꢥꢷꢡꢶ ꢱꢪ꣄ꢨꢸ ꣓
ꢱꢾꢥ꣄ꢤꢶꢭ꣄,
ꢪꣁꢔ ꢌꢭ꣄ꢭꢾ ꢓꢾꢥꢶꢪ꣄ ꢣꢷ ꢮꢡ꣄ꢡꢵꢥꢸꢒ꣄ ꢂꢬ꣄ꢢꢸ ꢄꢮꢬ꣄ ꢦꣁꢞꢾꢥꢶ ꣎ ꢬꢸꢮ꣄ꢮꣁ ꢱꢾꢬ꣄ꢒꣁ ꢲꣁꢫꢾ ꢂꢬ꣄ꢢꢸ ꢒꢵꢫꣁ ꢪꢾꢥꢶꢒꢶꢥ꣄ ꢱꢖ꣄ꢔꢡ꣄ꢡꢒ꣄ ꢪꢸꢱꣀꢫ꣄ꢫꢵ ?
ꢙꣁꢞꢸꢪ꣄ꢦꢸꢭ꣄
ꢢꣁꢬꢵ ꢢꣂꢬ꣄ꢒꢥ꣄