ꢮꢶꢣ꣄ꢫꣂ ꢪꢶꢡ꣄ꢬꢸ ꢦ꣄ꢬꢮꢵꢱꢿꢰꢸ ꢙꢵꢫꣂ ꢪꢶꢡ꣄ꢬꢸ ꢕꢿꢬꢸꢪꢸ ꣎ ꢬꣂꢔꢶꢒ꣄ ꢪꢶꢡ꣄ꢬꢸ ꢑꢰꢤꢸ ꢮꢶꢣꢿꢲꢸꢪ꣄ ꢪꢶꢡ꣄ꢬꢸ ꢤꢾꢬꢸꢪꢸ ꣏
ꢮꢵꢠꢶꢙ꣄ꢫꢪ꣄ ꢒꢾꢬꢱ꣄ꢡꢒ꣄, ꢮꢶꢣ꣄ꢫꣁ ꢱꢶꢒ꣄ꢒꢱ꣄ꢡꢒ꣄ ꢂꢖ꣄ꢔꢸꢥ꣄ ꢂꢥꢿꢒ ꢒꢵꢪꢸꢥꢸꢒ꣄ ꢒꢸꢬ꣄ꢗ꣄ꢗꢶ ꢩꢬꢵꢜ꣄ ꢔꢵꢪꢸꢥꢸꢒ꣄ (ꢔꢪ꣄ꢭꣁꢔꢵꢪꢸꢥꢸꢒ꣄), ꢮꢷꢣꢿꢯꢸꢒ꣄ ꢙꢷ ꢙꢶꢮꢬꢶꢫꣁ ꢡꢾꢖ꣄ꢒꣁ ꢂꢦꢸꢭ꣄ ꢱꢶꢒ꣄ꢒꢾ ꢮꢶꢣ꣄ꢫꣂꢱ꣄ ꢪꢶꢡ꣄ꢬꢸꢒꢥꢶ ꢬꢴꢷ ꢆꢦꢒꢵꢬ꣄ ꢒꢬꢫꢶ ꣎ ꢕꣁꢪ꣄ꢪꣁ ꢬꢴꢷ ꢡꢥꢥ꣄ꢡ꣄ꢬꢪꢸ ꢒꢵꢪ꣄ (ꢪꢔꢵ ꢒꢵꢪ꣄) ꢒꢾꢬꢬꢶꢫꣁ ꢦꢸꢬꢸꢰꢸꢒ꣄ ꢂꢦꢸꢭ꣄ ꢩꢵꢬ꣄ꢫꣂꢱ꣄ (ꢨꢾꢫ꣄ꢭꢸꢱ꣄) ꢪꢶꢡ꣄ꢬꢸꢒꢥꢶ ꢬꢴꢷ ꢱꢲꢵꢮ꣄ ꢒꢾꢬꢥꢸ ꣎ ꢮꢶꢤꢶꢮꢱꢵꢪ꣄ ꢬꣂꢔ꣄ ꢂꢮꢾꢱ꣄ꢡꢾꢖ꣄ꢒꣁ ꢑꢰꢤꢸꢱ꣄ ꢪꢶꢡ꣄ꢬꢸꢒꢥ꣄ ꢬꢴꢷ ꢬꣂꢔ꣄ ꢨꢬꣁ ꢒꢾꢬꢱꢸ ꣎ ꢱꢾꢡ꣄ꢭꣁꢒꢥꢶ ꢂꢪꢶ ꢌꢭ꣄ꢭꢾ ꢯꢾꢬꢶꢬ꣄ ꢱꣁꢞ꣄ꢞꢶ ꢙꢶꢫꢾ ꢧꢭ꣄ꢗꣁ ꢒꣂꢥ꣄ ꢂꢪ꣄ꢒꣁ ꢪꢶꢡ꣄ꢬꢸ ꢪꢾꢥꢶ ꢒꢳꢵꢫ꣄ ꢲꢵ ! ꢂꢪꢶ ꢒꢾꢬꢾ ꢤꢾꢬꢸꢪꢸꢱ꣄ ꢂꢪ꣄ꢒꣁ ꢪꢶꢡ꣄ꢬꢸ !! ꢂꢪꢶ ꢌꢭ꣄ꢭꢾ ꢭꣂꢒ꣄ ꢱꣁꢞ꣄ꢞꢶ ꢙꢶꢫꢾ ꢧꢭ꣄ꢗꣁ ꢪꢾꢳ꣄ꢳꢶ ꢂꢮ꣄ꢬꢾ ꢱꢾꢥ꣄ꢡꣁ ꢂꢪ꣄ꢒꣁ ꢱꢸꢓꢪ꣄ ꢣꢷꢭꢶ ꢂꢮꣀ ꣏ ꢌꢭ꣄ꢫꢿꢱ꣄ ꢏꢠ꣄ꢞ꣄ꢫꢵꢥ꣄ (ꢗꢵꢠꢒ꣄ꢫ ꢥꢷꢡꢶꢪ꣄) ꢱ꣄ꢭꣂꢒ꣄ꢒꢥꢶ ꢱꢖ꣄ꢔꢶꢬꢵꢱ꣄ ꢱꢮꣁ ꢲꢵ !
Leave a Reply
You must be logged in to post a comment.